សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ ៖ ក្រុមចោរប្លន់ម៉ូតូ ឆ្ឆ្លងដែនអស់ល័ក្ខណ៍ ត្រូវបានជំនាញព្រហ្មទណ្ឌកម្រិតធ្ងន់ សហការជាមួយសមត្ថកិច្ចពាក់ព័ន្ធ បើកកិច្ចប្រតិបត្តិការបន្តបន្ទាប់បង្ក្រាប ករណីប្លន់យកម៉ូតូ កាលពីថ្ងៃទី២៣ ខែមករា ឆ្នាំ២០២០កន្លងទៅ នៅលើផ្លូវលំ ភូមិក្បាលអូ ឃុំព្រះស្រែ ស្រុកឧដុង្គ តាមការបំភ្លឺពីជនរងគ្រោះ ចោរប្លន់ម៉ូតូ មានគ្នា៤នាក់ ជិះម៉ូតូ២គ្រឿង ឈ្មោះ ឡូញ លី ភេទប្រុស អាយុ៥០ឆ្នាំ នៅភូមិឃុំកើតហេតុ មុខរបរ កសិករ ។
ប្រភពពីសមត្ថកិច្ចបានឲ្យដឹងថា ដោយបានការចង្អុលណែនាំដ៏ខ្ពង់ខ្ពស់ លោកនាយឧត្ដមសេនីយ៍សន្ដិបណ្ឌិត អគ្គស្នងការនគរបាលជាតិ លោក វុី សំណាង អភិបាល នៃគណៈអភិបាលខេត្តកំពង់ស្ពឺ និងការបញ្ជាដឹកនាំផ្ទាល់ពីលោកឧត្ដមសេនីយ៍ទោ សម សាមួន ស្នងការនគរបាលខេត្ត ការិយាល័យព្រហ្មទណ្ឌកម្រិតធ្ងន់ សហការជាមួយសមត្ថកិច្ចពាក់ព័ន្ធស្រុកឧដុង្គ ម្ចាស់ករណី នគរបាលខេត្តកំពង់ឆ្នាំង បានស្រាវជ្រាវរហូតកំណត់បានមុខសញ្ញាក្រុមចោរប្លន់ និងខ្សែរយៈបណ្ដាញក្រុមដង្កូវសង្គម ជាលទ្ធផលឃាត់ខ្លួនជនសង្ស័យ ចំនួន១១នាក់ មេក្លោង និងអ្នកសមគំនិត ដកហូតបានម៉ូតូ០៦គ្រឿង រកឃើញម្ចាស់ម៉ូតូ ជាជនរងគ្រោះ ០៣ គ្រឿង ។
ប្រភពបន្តថា ជនល្មើស បង្រ្កាបថៃ្ងដំបូង ចំនួន ៥នាក់ ៖១ ឈ្មោះស៊ុន សុវណ្ណារ៉ា ហៅឃីម ភេទប្រុស អាយុ១៧ឆ្នាំ រស់នៅភូមិទួលពង្រ ឃុំស្វាយ ស្រុកសាមគ្គីមានជ័យ កំពង់ឆ្នាំង ។ ២ ឈ្មោះ សេង សុភក្តិ ភេទប្រុស អាយុ១៧ឆ្នាំ រស់នៅភូមិខ្យាង ឃុំស្វាយស្រុកសាមគ្គីមានជ័យ កំពង់ឆ្នាំង ។ ៣ ឈ្មោះ សុង វ៉ាន ភេទប្រុស អាយុ២០ឆ្នាំ រស់នៅភូមិគន្ថំ ឃុំវាលពន់ ស្រុកថ្ពង កំពង់ស្ពឺ ។ ៤ ឈ្មោះ សុខ សំជុន ភេទប្រុស អាយុ២៥ឆ្នាំ រស់នៅភូមិផ្សារត្រាច ឃុំលង្វែក ស្រុកកំពង់ត្រឡាច កំពង់ឆ្នាំង ។ ៥ ឈ្មោះ ម៉ាន់ ហៃ ភេទប្រុស អាយុ២៥ឆ្នាំ រស់នៅភូមិផ្សារត្រាច ឃុំលង្វែក ស្រុកកំពង់ត្រឡាច កំពង់ឆ្នាំង ។ ដកហូតម៉ូតូចំនួន ៤គ្រឿង ដាវ១ដើម ទូរស័ព្ទដៃ៣គ្រឿង និងម្សៅក្រាមសង្ស័យគ្រឿងញៀន៣កញ្ចប់ ។ ︎ម៉ូតូហុងដា សេ១២៥ស៊េរី២០១៩ ពណ៌ខ្មៅ ១គ្រឿ ង ម៉ូតូ zoommerX ពណ៌លឿង ១គ្រឿង ម៉ូតូនិច ពណ៌ស ម៉ូតូហុងដា សេ១២៥ស៊េរី២០១៩ ពណ៌ខ្មៅ ១គ្រឿង ។
ជនល្មើសបង្រ្កាប នៅថៃ្ងបន្ទាប់ ចំនួន ៦នាក់ ៖ ១ ឈ្មោះ ម៉ាត់ គ្រីម ភេទប្រុស អាយុ២៨ឆ្នាំ រស់នៅភូមិទួល ឃុំឈូកស ស្រុកកំពង់ត្រឡាច កំពង់ឆ្នាំង ។ ២ ឈ្មោះ វ៉ាត វ៉ូ ហៅធុងភេទប្រុស អាយុ១៨ឆ្នាំរស់នៅភូមិថ្មីខ្មែរ ឃុំត្បែងខ្ពស់ ស្រុកសាមគ្គីមានជ៏យ កំពង់ឆ្នាំង ។ ៣ ឈ្មោះ អ៊ីម ផល្លី ភេទប្រុសអាយុ១៨ឆ្នាំ រស់នៅភូមិតាំងក្រង ឃុំស្វាយជុក ស្រុកសាមគ្គីមានជ័យ កំពង់ឆ្នាំង ។ ៤ ឈ្មោះម៉ាច ភ័ក្ត្រា ភេទប្រុស អាយុ១៧ឆ្នាំ រស់នៅភូមិ ឃុំត្បែងខ្ពស់ ស្រុកសាមគ្គីមានជ័យ កំពង់ឆ្នាំង ។ ៥ ឈ្មោះ ម៉ាំ រស្មី ភេទប្រុស អាយុ១៨ឆ្នាំ រស់នៅភូមិខ្មែរថ្មី ឃុំត្បែងខ្ពស់ស្រុកសាមគ្គីមានជ័យ កំពង់ឆ្នាំង ៦ ឈ្មោះ ថា ពៅ ភេទប្រុស អាយុ២០ឆ្នាំ រស់ ឃុំឈូកស ស្រុកកំពង់ត្រឡាច (ឃាត់ក្នុងរង្វង់កិច្ចប្រតិបត្តិការ) ។ ដកហូត ម៉ូតូ២គ្រឿង ម៉ូតូ ម៉ាកនិច ពណ៌ខ្មៅ ម៉ូតូហុងដា សេ១២៥ ឆ្នាំ២០១៩ ពណ៌ខ្មៅ ប្លន់កាលពីថៃ្ង ( 23 01 2020 ឈ្មោះ វ៉ាត វ៉ូ អ៊ីម ផល្លី ម៉ាច ភក្រ្តា ម៉ាំ រស្មី ទាំងបួននាក់រួមគ្នាធ្វើសកម្មភាពប្លន់ ជនរងគ្រោះដោយស្ទាក់វាយតែម្ដង ) ។
នេះជាយុទ្ធនាការក្ដៅ លើកទី២ហើយ ក្នុងអំឡុងមួយ ខែ ចុង ឆ្នាំ២០១៩ ដើមឆ្នាំ២០២០ សមត្ថកិច្ចជំនាញ នៃស្នងការដ្ឋាននគរបាលខេត្តកំពង់ស្ពឺ បានបង្រ្កាបក្រុមចោរប្លន់(កាំបិតផ្គាក់) និងក្រុមធាក់ ស្ទាក់ប្លន់ម៉ូតូតាមផ្លូវលំ ផ្លូវជាតិមួយចំនួន ក្នុងភូមិសាស្រ្ដខេត្តកំពង់ស្ពឺ ។
បច្ចុប្បន្នមុខសញ្ញាជាក្រុមចោរប្លន់ ទាំង១១នាក់ ត្រូវជំនាញកសាងសំណុំរឿងបញ្ជូនទៅអយ្យការ អមសាលាដំបូងខេត្ដកំពង់ស្ពឺ ចាត់ការតាមផ្លូវច្បាប់ ៕ សេនាស័ក្តិ
