ព័ត៌មានទាន់ហេតុការណ៍៖

ចំការ​អំពៅស្ករ​១១ហិកតា ត្រូវភ្លើងឆាបឆេះម៉ត់ សង្ស័យមានមនុស្សលួចដុត

ចែករំលែក៖

ខេត្តស្វាយរៀង​៖ យ៉ាងហោចណាស់ ​ចំការ​អំពៅស្ករ​ចំនួន​១១​ហិ​កតា​ ត្រូវត្រូវភ្លើងឆាបឆេះអស់គ្មានសល់ បង្កការភ្ញាក់ផ្អើលដល់អ្នកចាំចំការ នាំគ្នាជួយបាញ់ទឹកពន្លត់និងរាយការណ៍មកសមត្ថកិច្ចមូលដ្ឋានសង្ស័យមានមនុស្សលួចដុត ។

ហេតុការណ៍នេះបានកើតឡើងកាលពីវេលាម៉ោង១០និង១៥នាទីយប់ ថ្ងៃទី៣ ខែកុម្ភៈ ឆ្នាំ២០២០ ​ស្ថិត​នៅភូ​មិកំពោតម្រាក់ ​ឃុំ​ពពែ​ត​ ស្រុស្រុកស្វាយទាប ខេត្តស្វាយរៀង ។ ​

បើ​តាម​មន្ត្រី​នគ​របាល​មូលដ្ឋានបានឲ្យដឹងថា ករណី​ភ្លើងឆេះចំការអំពៅចំនួន១១ហិកតា គឺជា​អំពៅ​របស់​ក្រុម​ហ៊ុនរបស់​លោក​កុយ ​សា​រ៉េ​ន ដែលមានទីលំនៅ​ភូមិ​ពពែ​ត ​ឃុំ​ពពែ​ត ​ស្រុកស្វាយ​ទាប ​ ខេត្តស្វាយរៀង ។

​ប្រភព​ដដែល​បន្ត​ទៀត​ថា ករណី​ឆេះ​អំពៅ​អស់​១១​ហិ​កតា​នេះ​ បើ​តាម​សមត្ថកិច្ច​ចុះ​ទៅ​ពិនិត្យ​ស្រាវជ្រាវ​ដាក់​ការ​សន្និដ្ឋាន​ថា​ ​សង្ស័យ​មាន​ជន​មិន​ស្គាល់​អត្តសញ្ញាណ​ជាអ្នក​លួច​ដុត ​។​ ទោះបីជា​យ៉ាងណា​ក៏​ដោយ​ ករណី​ជន​អគតិមានបំណងមិនល្អលួចដុតចំការអំពៅ ​គឺ​កើតឡើង​រាល់​ឆ្នាំ​មកហើយ ហើយ​ក៏​មិន​ដែល​ចាប់​បាន​ជនសង្ស័យ​ណា​ម្នាក់​មក​ផ្តន្ទាទោស​បាន​ទេ ​។​

ប្រភពបន្តថា ​​ពេលដែលម្ចាស់អំពៅចង់បានច្បាប់កាប់អំពៅនាំ​ចេញ​ទៅ​ប្រទេស​វៀតណាម ​គឺ​តែងតែមាន​ករណី​ជន​មិន​ស្គាល់​អត្តសញ្ញាណ​លួច​ដុត​អំពៅ​ឆេះ​ស្លឹក​អំពៅ​អស់ ​រួច​សុំ​ច្បាប់​កាប់​បន្ទាន់​កុំ​ឲ្យ​អំពៅ​ខូច​គុណភាព ​។ ​ក៏​ប៉ុន្តែ​ករណី​គេ​លួច​ដុត​អំពៅ​១១​ហិ​កតា​នេះ​ គឺ​ឆេះ​អស់​តែ​ម្តង​ ដោយ​ប៉ុន្មាន​ខែ​នេះ ​មានកំ​ដៅ​ក្តៅ​ខ្លាំង ​ធ្វើ​ឲ្យ​អំពៅ​ស្ងួត​ទឹក​ខ្លាំង​ ពេល​មាន​អ្នក​លួច​ដុត​គឺ​ឆេះ​អស់​តែ​ម្តង​ មិមិនអាមិនអាចជួយពន្លត់បាននោះទេ ៕ យឹម សុថាន


ចែករំលែក៖