សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ ៖ ដីសហគមន៍ព្រៃឈើស្រង់ដែលជាដីពរៃបំរុងរបសរដ្ឋពេលនេះរងការបំផ្លិចបំ្លាញពីសំណាក់មន្ត្រីយោធាពាក់ផ្កាយ២មួយរូបដែលឈរជើងនៅសាលាហ្វឹកហ្វឺនភ្នំស្រង់ របស់បញហជាការដ្ឋានអង្គរក្ស។
ករណីនេះលោកមេឃុំឆ្លើយទាំងរដាក់រដុបថាមានគេឈូសមែនចំណែកលោកអភិបាលស្រុកវិញប្រាប់ថាមិនបានដឹងនោះទេចាំសួរថ្នាក់ក្រោមមើលសិន។
ប្រភពបង្ហើបថាដីព្រៃ សហគមន៍ដែលលោកផ្កាយ២ឈូសឆាយរំលោភយកនេះស្ថិតក្នុងភូមិសាស្ត្រឃុំស្រង់ស្រុកគងពិសី ខេត្តកំពង់ស្ពឺ ។
បុគ្គលដែលអាងអំណាចខ្លួនពាក់ផ្កាយ២មករំលោភយកដីសហគមន៍នេះមិនត្រូវបានស្គាល់ឈ្មោះនោះទេតែគេដឹងថាជាក្មួយប្រុសរបស់នាយឧត្តមសេនីយ៍យោធាជាន់ខ្ពស់មួយរូបនៅបញ្ជាការដ្ឋានអង្គរក្ស។
បើតាមប្រភពបានប្រាប់ថាដីសហគមន៍នេះខាងជំនាញមេព្រៃក៏ដូចជាស្ថាប័នពាក់ព័ន្ឋ បានចុះមកពិនិត្យមើលនិងបោះបង្គោលព្រំដីសំគាល់ជាដីសហគមន៍និងមានចុះMOU ជាមួយក្រសួងកសិកម្មទៀតផង។
មន្ត្រីសាលាស្រុកគងពិសីមួយរូបបានលើកឡើងថាជាធម្មតាដីសហគមន៍ជាដីព្រៃបំរុងរបស់រដ្ឋ ហើយបានចុះបញ្ជីនៅក្រសួងកសិកម្មទៀតដូច្នេះគ្មានបុគ្គលណាមួយរំលោភបំពានយកបានឡើយ ទោះបុគ្គលនោះមានឋានះបុណ្យស័ក្តិប៉ុនណាក៏ដោយ។ការធ្វើបែបនះជាការរំលោភបំពានយកដីរដ្ឋដោយខុសច្បាប់ត្រូវតែមានទោស។
មិនអាចសុំការបកស្រាយណាមួយពីលោកផ្កាយ២ ក្មួយប្រុសលោកផ្កាយ៤បានទេពាក់ព័ន្ឋនឹងការប្រើអំណាចយោធាមករំលោភដីរដ្ឋនេះ។
បើតាមមន្ត្រីរដ្ឋបាលព្រៃឈើមួយរូបបានលើកឡើងថា ដីសហគមន៍ដែលបានចុះបញ្ជីនៅក្រសួងកសិកម្មហើយគ្មានជនណាមួយមានសិទ្ឋិឈូសឆាយរំលោភយកបានឡើយ ព្រោះជាដីព្រៃបំរុងរបស់រដ្ឋដើម្បីស្តារព្រៃឈើទុកប្រើប្រាស់រួមក្នុងសហគមន៍។
ទាក់ទងមន្ត្រីយោធាអាងអំណាចដែលបានទៅរុករានយកដីព្រៃសហគមន៍មកធ្វើកម្មសិទ្ឋិនេះដែរបើយោងតាមការអះអាងពីពលរដ្ឋជាច្រើននៅក្នុងឃុំស្រង់និយាយថា ពួកគាត់គ្រោងនឹងទៅជួបលោកអភិបាលខេត្តកំពង់ស្ពឺ ឱ្យចុះមកពិនិត្យដីព្រៃសហគមន៍ជាច្រើនហិកតា ដែលកំពុងត្រូវបានគេយកទៅលក់និងធ្វើកម្មសិទ្ធិ ដែលកំពុងក្លាយជាសាច់ជ្រូកបីជាន់ទៅហើយនេះ នឹងចង់សួរថា តើរដ្ឋយកវិញឬយ៉ាងណាឱ្យច្បាស់ ងាយស្រួលគ្រប់គ្រង កុំឱ្យស្ទាក់ស្ទើរដូចសព្វថ្ងៃ។
ពាក់ព័ន្ឋបញ្ហានេះដែរលោកអូនប៉េងមេឃុំស្រង់ បានប្រាប់តាមទូរស័ព្ទទាំងរដាក់រដុបថា”ឃើញមានមែនគេជីកកាយដីសហគមន៍នោះ!ប៉ុន្តែភាគច្រើនគាត់ទិញពីប្រជាពលរដ្ឋនៅទីនោះ លោក មេឃុំហាក់បីដូចជាឆ្លើយរបៀបរដាក់រដុបជាមួយអ្នកសារព័ត៌មានយើងទាំងញ័រមាត់។លោកមេឃុំបន្ថែមថារឿងជីកកាយដីសហគមន៍នោះវាប៉ះពាល់តិចដែរឃើញមេព្រៃអោយសហគមន៍ដើរមើលដែរ រាយការណ៍ក៏ស្ងាត់បាត់ទៅ ។ ក្រោយមកលោកប្រាប់ថារវល់ហើយក៏បិតទូ័ព្ទតែម្តង។
ដោយឡែកលោកអភិបាលស្រុកគងពិសីបានឆ្លើយមិនដឹងចាំសួរទៅថ្នាក់ក្រោមសិន។ មហាជន
មានការលើកឡើងថាករណីនេះគឺដោយសារតែភាពខ្វះចន្លោះរបស់មន្ត្រីរផ្នែករដ្ឋបាលព្រៃឈើ បសេដ្ឋនិងមន្ត្រីសង្កាត់រដ្ឋបាលព្រៃឈើគងពិសីតែម្តង។ទោះជាមានការលើកឡើងបែបនេះក្តីមន្ត្រី រដ្ឋបាលព្រៃឈើគងពិសីមួមួយរូបបានប្រាប់ថាខាងសង្កាត់រដ្ឋបាលព្រៃឈើគងពិសី មិនបានព្រងើយកន្តើយនោះទេថែមទាំងបានប្រាប់អោយប្រធានសហគមន៍ធ្វើរបាយការណ៍ហើយតែមិនទាន់ឃើញផ្ញើមក ដោយសារតែប៉ុន្នមានថ្ងៃនេះខាងមេព្រៃជាប់សិក្ខាសាលានៅភ្នំពេញ មិនទាន់បានសួរនាំនៅឡើយ។
មន្ត្រីដែលបន្តថារឿងនេះមិនអាចព្រងើយកន្តើយបាននោះទេ ទោះជាអ្នកនោះមានឋានះប៉ុនណាក៏ដោយគឺត្រូវតែធ្វើរបាយការណ៍ដកហូតយកមកថែរក្សាជាសម្បត្តិរដ្ឋវិញ ហើយអ្នករំលោភនោះក៏មិនអាចលើកលែងបានដែរ ៕ សេនាស័ក្តិ
