សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ យប់មិញមានករណីវះពោះខ្លួនឯង នៅភូមិទំនាប ឃុំអមលាំង ខេត្តកំពង់ស្ពឺ ដោយគ្រួសារជនរងគ្រោះអះអាងថា បុគ្គលដែលស្លាប់ បានធ្វើអត្តឃាតដោយខ្លួនឯង ។
ជនរងគ្រោះជាមនុស្សហូបស្រាជាប្រចាំ ហើយតែងតែរត្អូញប្រាប់ឪពុកម្តាយថា ឈឺក្នុងពោះចង់តែវះមើលទេ ។
នៅយប់កើតហេតុឪពុកម្តាយដែលកំពុងនៅលើផ្ទះ លឺសូរសំឡេងថ្ងូរ ពេលម្តាយបើកភ្លើងមើលឃើញពោះវៀនទាំងដុំៗនៅលើគ្រែ ។
តាមព័ត៌មានក្រៅផ្លូវការបានលើកឡើងថា ជនរងគ្រោះអាចមិនមែនធ្វើអត្តឃាតទេ សង្ស័យពាក់ព័ន្ធនឹងករណីឃាតកម្ម ។ តែទោះជាយ៉ាងណា សមត្ថកិច្ចបានបញ្ជាក់ថា រឿងនេះគឺជារឿងអអត្តឃាត ដោយសារជនរងគ្រោះតូចចិត្តរឿងប្រពន្ធរត់តាមប្រុសថ្មី ។ សមត្ថកិច្ចកំពុងធ្វើកោសល្យវិច័យនៅព្រឹកថ្ងៃទី៦ ខែកុម្ភៈ ឆ្នាំ២០២០ ៕ សេនាស័ក្តិ
