ព័ត៌មានទាន់ហេតុការណ៍៖

​ឃាត់ខ្លួន​បុរស​ម្នាក់​ ករណី​វាយ​ឪពុក​បង្កើត​បណ្តាល​ឲ្យ​រង​របួសធ្ងន់​

ចែករំលែក៖

ខេត្តពោធិ៍សាត់​៖​ នគរបាល​ស្រុក​តា​លោ​សែន​ជ័យ​ឃាត់​បុរស​ម្នាក់​ ករណី​វាយ​ឪពុក​បង្កើត​បណ្តាល​ឲ្យ​រង​របួសធ្ងន់​ ខណៈ​រូប​គាត់​បាន​ស្តីបន្ទោស​ ឲ្យ​ជនសង្ស័យ​ត្រូវជា​កូន​ ហើយ​ក៏​មានការ​ឈ្លោះប្រកែក​គ្នា​ ដោយ​ជនសង្ស័យ​ចោទ​មក​លើ​រូប​គាត់​ថា​ ស្រឡាញ់​កូន​មិន​ស្មើគ្នា​ ភ្លាមៗ​នោះ​ជនសង្ស័យ​ក៏​ស្ទុះ​ទៅ​យក​ដំបង​ឫស្សី​ឈើច្រត​ ទៅ​វាយ​ចំ​ក្បាល​របស់​គាត់​ បណ្តាល​ឲ្យ​រង​របួសធ្ងន់​ (​ដេរ​២០​ថ្នេរ​)​ ហេតុ​ការ​នេះ​កើតឡើង​នៅ​ចំណុច​ ភូមិ​ព្រៃ​កន្លង់​ ឃុំ​ផ្ទះ​រុង​ ស្រុក​តា​លោ​សែន​ជ័យ​ ខេត្តពោធិ៍សាត់​ កាលពី​វេលា​ម៉ោង​ ១៦​ និង​២០​នាទី​ ថ្ងៃ​ទី​១០​ ខែកុម្ភៈ​ ឆ្នាំ​២០២០​ ។ ​

​មន្ត្រី​នគរបាល​ស្រុក​តា​លោ​សែន​ជ័យ​បាន​ឲ្យ​ដឹង​ថា​៖​ ជនសង្ស័យ​ឈ្មោះ​ សៀ​ក​ រ៉ា​ន់​ ភេទ​ប្រុស​ អាយុ​៣០​ឆ្នាំ​ ។ ​ ចំណែកឯ​ជន​រង​គ្រោះ​ឈ្មោះ​ ណុ​ប​ សៀ​ក​ អាយុ​៦៨​ឆ្នាំ​ ទាំង​២​នាក់​ត្រូវជា​ឪពុក​ និង​កូន​ និង​មាន​ទីលំនៅ​ក្នុង​ ភូមិ​ព្រៃ​កន្លង់​ ឃុំ​ផ្ទះ​រុង​ ស្រុក​តា​លោ​សែន​ជ័យ​ ខេត្តពោធិ៍សាត់​ ។ ​

​សមត្ថកិច្ច​បាន​បន្ត​ទៀត​ត​ថា​៖​ ការ​ចាប់ខ្លួន​ជនសង្ស័យ​គឺ​ធ្វើ​ឡើង​ តាម​ពាក្យបណ្តឹង​របស់​ក្រុម​គ្រួសារ​ជន​រង​គ្រោះ​ និង​មានការ​សម្រប​ស្រួល​របស់​ ព្រះរាជអាជ្ញា​សាលាដំបូង​ខេត្តពោធិ៍សាត់​ ដើម្បី​ចាប់ខ្លួន​ជនសង្ស័យ​ឲ្យ​មក​កាន់​ប៉ុស្តិ៍​នគរបាល​រដ្ឋបាល​ផ្ទះ​រុង​ ដើម្បី​ចាត់ការ​តាម​នីតិវិធី​ ៕ បុឹម ពិន


ចែករំលែក៖