សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់រួមដំណើរ និងបុរសម្នាក់ទៀតបើករថយន្តកូរ៉ូឡាស៊េរីចាស់មួយគ្រឿងបោះពួយទៅបុកក្បាលព្រួញពុះចែកទ្រូងផ្លូវខ្ទេចមួយកំណាត់មុខបណ្ដាលឲ្យអ្នករួមដំណើររងរបួសបាក់ជើងម្ខាងចំណែកអ្នកបើកបររងរបួសស្រាល ។
ខេត្តការនេះកើតឡើងកាលពីវេលាម៉ោង ១១ និង ៥០ នាទីយប់ថ្ងៃទី ១៣ ខែកុម្ភៈឆ្នាំ ២០២០ ហាត់នៅតាមបណ្ដោយផ្លូវព្រះមុនីវង្ស កែងផ្លូវ៣៦០ ក្នុងសង្កាត់បឹងកេងកង ២ ខណ្ឌបឹងកេងកង រាជធានីភ្នំពេញ ។
តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់រួមដំណើរ និងបុរសម្នាក់ទៀតបើករថយន្តកូរ៉ូឡាស៊េរីចាស់មួយ គ្រឿងពណ៌ស្ករពាក់ស្លាកលេខ ឆ-1841 ភព2 ធ្វើដំណើរតាមបណ្តោយផ្លូវព្រះមុនីវង្ស ទិសដៅពីជើងទៅត្បូងក្នុងល្បឿនលឿនលុះមកដល់ចំណុចកើតហេតុខាងលើ បានរេចង្កូតទៅខាងឆ្វេងដៃជ្រុលទៅបុកក្បាលព្រួញពុះចែកទ្រូងផ្លូវពេញទំហឹងបណ្តាលឲ្យរថយន្តផ្នែកខាងមុខ និងរបួសអ្នករួមដំណើរបាក់ជើងម្ខាងត្រូវបានបញ្ជូនទៅសង្គ្រោះនៅឯមន្ទីរពេទ្យភ្លាមៗ ចំណែកអ្នកបើកបររងរបួសស្រាល ។
ក្រោយកើតហេតុ សមត្ថកិច្ចមូលដ្ឋានបានទំនាក់ទំនងទៅសមត្ថកិច្ចជំនាញចុះមកវាស់វែងយករថយន្តទៅរក្សាទុកនៅការិយាល័យចរាចរណ៍ផ្លូវគោកស្នងការរាជធានីភ្នំពេញរង់ចាំដោះស្រាយនៅពេលក្រោយ៕ដោយ៖ ភារ៉ា ដង្កោ
