សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យចំនួន៣នាក់បានជិះកង់ធ្វើសកម្មភាពលួចទ្រព្យសម្បត្តិប្រជាពលរដ្ឋតាមដងផ្លូវ តែត្រូវបានពលរដ្ឋឃើញទាន់ដេញចាប់បានម្នាក់ប្រគល់ជូននគរបាល កាលពីវេលាម៉ោង១១យប់ ថ្ងៃទី២៦ ខែកុម្ភៈ ឆ្នាំ២០២០ នៅចំណុចគល់ស្ពានក្បាលថ្នល តាមបណ្តោយផ្លូវជាតិលេខ២ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។
សមត្ថកិច្ចបញ្ជាក់ថា ជនសង្ស័យឈ្មោះ ម៉េន ភេទប្រុស អាយុ១៥ឆ្នាំ មុខរបរ រើសអេតចាយ ស្នាក់នៅម្តុំ បឹងត្របែក ខណ្ឌចំការមន រាជធានីភ្នំពេញ ។
តាមសាក្សីបានឲ្យដឹងថា មុនពេលកើតហេតុបុរសម្នាក់ជាអ្នករត់ pass app បានឈប់ចាំម៉ូយ នៅចំណុចកើតហេតុខាងលើស្រាប់តែមានជនសង្ស័យចំនួន៣នាក់ជិះកង់ដើររើសអេតចាយ មកបន្លំលួចយក power bank ភ្លាមនោះម្ចាស់ pass app ឃើញទាន់ក៏ដេញចាប់ធ្វើឲ្យជនសង្ស័យភ័យរត់ចោលកង់ ។
សាក្សីបន្តថា បន្ទាប់មក ម្ចាស់passapp បានលើកកង់ដឹកតាមចាប់រហូតដល់ចំណុចស្ថានីយប្រេងឥន្ធនៈសូគីមិច ទើបឃាត់បាន និងរាយការណ៍ទៅសមត្ថកិច្ចឃាត់ខ្លួនយកទៅសួរនាំបន្ត ៕ សុខាសែនជ័យ
