ក្រុមចោរលួចកាច់សោ.កម៉ូតូចំនួន០៣នាក់ត្រូវបានឃាត់ខ្លួន

(ខេត្តព្រះសីហនុ)៖ កាលពីថ្ងៃសៅរ៍ ទី២៩ ខែកុម្ភៈ ឆ្នាំ២០២០ នគរបាលខេត្តព្រះសីហនុបានចុះបង្ក្រាបក្រុមចោ កាច់សោរកម៉ូតូរបស់ជនជាតិចិនម្នាក់ ពេលចតម៉ូតូទុកនៅខាងមុខផ្ទះ នៅចំណុចម្តុំសាលារៀនអូរ២ ស្ថិតនៅភូមិ៥ សង្កាត់លេខ៤ ក្រុងព្រះសីហនុ ខេត្តព្រះសីហនុ។

បើតាមប្រភពពីមន្ត្រីនរបាលខេត្តព្រះសីហនុបានប្រាប់  អោយដឹងថា បន្ទាប់ពីទទួលបានដំណឹងពីជនរងគ្រោះរួចមក ភ្លាមៗកម្លាំងជំនាញផែនការងារនគរបាលព្រហ្មទណ្ឌ បានធ្វើការស្រាវជ្រាវរហូតឃាត់ខ្លួនបានជនសង្ស័យចំនួន ១នាក់ ព្រមទាំងម៉ូតូដែលបាត់នោះ នៅចំណុចក្រោយផ្សារមាន់ ស្ថិតនៅភូមិ២ សង្កាត់លេខ៤ ក្រុងព្រះសីហនុ ខេត្តព្រះសីហនុ។ រួចបន្តទៅធ្វើការឃាត់ខ្លួនបានបក្ខពួករបស់ជនសង្ស័យចំនួន២នាក់ទៀតជាបន្តបន្ទាប់។

គួរបញ្ជាក់ផងដែរថាម៉ូតូដែលបាត់ម៉ាក SIRIUS ពណ៌ទឹកប៊ិច គ្មានស្លាក លេខ មានលេខតួៈ 029864។ រីឯម្ចាស់ម៉ូតូមានឈ្មោះ SHAO XIAN CHUN ភេទប្រុស អាយុ៣៩ឆ្នាំ ជនជាតិចិន មុខរបរលក់តៅហ៊ូ ស្នាក់នៅ ភូមិ៥ សង្កាត់លេខ៤ ក្រុងព្រះសីហនុ ខេត្តព្រះសីហនុ។

ជនសង្ស័យទាំង៣នាក់មានឈ្មោះដូចខាងក្រោម៖

១/ ឈ្មោះ ម៉ែន សុខនី ហៅ ខ្មៅ ភេទប្រុស អាយុ១៩ឆ្នាំ មុខរបរ កម្មករសំណង់ មានទីលំនៅ ភូមិ៤ សង្កាត់លេខ៤ ក្រុងព្រះសីហនុ ខេត្តព្រះសីហនុ។

២/ ឈ្មោះ ភឿក កក្កដា ហៅ គួយ ភេទប្រុស អាយុ២៧ឆ្នាំ មុខរបរ ជាងសំណង់ មានទីលំនៅ ភូមិ៣ សង្កាត់លេខ៤ ក្រុងព្រះសីហនុ ខេត្តព្រះសីហនុ។

៣/ ឈ្មោះ អឿន ស៊ុអុន ភេទប្រុស អាយុ ១៧ឆ្នាំ មុខរបរ ជាងសំណង់ មានទីលំនៅ ភូមិ១ សង្កាត់លេខ២ ក្រុងព្រះសីហនុ ខេត្តព្រះសីហនុ។

វត្ថុតាងចាប់យកបាន៖

– ម៉ូតូចំនួន ៣គ្រឿង (១-ម៉ាក SIRIUS ពណ៌ទឹកប៊ិច គ្មានស្លាកលេខ មានលេខតួ029864, ២-ម៉ាក SIRIUS ពណ៌ក្រហម-ខ្មៅ គ្មានស្លាកលេខ លេខតួ និងលេខម៉ាស៊ីន ឈូសចោល , ៣-ម៉ាក AIR BLADE ពណ៌ទឹកក្រូច គ្មានស្លាកលេខ លេខតួ និងលេខម៉ាស៊ីន ឈូសចោល)ជាផលនៃអំពើលួច។

– សោរច្នៃសម្រាប់កាច់បំបែកសោរកម៉ូតូ១ដើម

– សម្ភារ:សម្រាប់ដោះម៉ូតូមួយចំនួន។

ចំពោះករណីនេះការិយាល័យនគរបាលព្រហ្មទណ្ឌកម្រិតស្រាល កំពុងកសាងសំណុំរឿងបញ្ជូនទៅសាលាដំបូងខេត្តព្រះសីហនុ ដើម្បីចាត់ការតាមនិតិវិធីច្បាប់៕ឆ្លាម សមុទ្រ