អាជ្ញាធរប៉ុស្តិ៍ចោមចៅទី៣ចុះបង្ក្រាបទីតាំងជល់មាន់មួយកន្លែងចាប់បានតែមាន់ចំណែកអ្នកលេងរត់បាត់អស់

ភ្នំពេញ ​៖​ កម្លាំងនគរបាលប៉ុស្តិ៍ចោមចៅទី៣ សហការ​ជាមួយ​កម្លាំងសង្កាត់បានឆ្មក់ចុះបង្ក្រាប​ទីតាំង​ជល់​មាន់​មួយ​កន្លែង​ស្ថិត​នៅ​ភូមិ​ព្រៃជីសាក់ សង្កាត់​ចោមចៅ​ទី​៣​ ខណ្ឌ​ពោធិ៍​សែនជ័យកាលពី​វេលាម៉ោង​១រសៀល​ថ្ងៃទី​០៣​ខែ​មីនា​ឆ្នាំ​២០២០​ ចាប់យកមាន់បួនក្បាលនិងម៉ូតូ១គ្រឿង។

សមត្ថកិច្ចបានឲ្យដឹងថា​ ដោយមានប្រជាពលរដ្ឋល្អរាយការណ៍សម្ងាត់ថាមានក្រុមអ្នកញៀនល្បែងស៊ីសងប្រភេទបញ្ជល់មាន់ទេីបលោកវរសេនីយ៍ទោ​ ម៉ន​ វុធី​ អធិការ​នៃ​អធិការ​ដ្ឋាន​នគរបាល​ខណ្ឌ​ពោធិ៍​សែនជ័យ​ បញ្ជាក់កម្លាំងចុះទៅបង្ក្រាបទីតាំងខាងលេីភ្លាមៗ។

សមត្ថកិច្ចបានបញ្ជាក់ថា​ ក្នុងប្រតិបត្តិការ​បង្ក្រាបទីតាំងខាងលេីនេះសមត្ថកិច្ចចាប់យកមាន់​ចំនួន​ ៤​ក្បាល​ និងម៉ូតូ១គឿងម៉ាកនិច​ ​ រីឯ​ក្រុម​លេង​ល្បែង​រត់​គេច​ខ្លួន​បាត់​ស្រមោល​អស់​។

បច្ចុប្បន្ន​វត្ថុតាំង​ដក​ហូត​យក​មក​រក្សាទុក​នៅសាលាសង្កាត់ចោមចៅទី៣បណ្ណោះអាសន្ន​៕ សុខាសែនជ័យ​