ក្មេងប្រុសស្រីនាំគ្នាលេង តោងអាស្រម រានទេវតា បាក់រលំសង្កត់ស្លាប់២នាក់

ខេត្តស្វាយរៀង៖ មានការភ្ញាក់ផ្អើលដល់ក្រុមគ្រួសារនិងអ្នកភូមិនាំគ្នាជួយសង្គ្រោះក្មេងប្រុសស្រីពីរខណះនាំគ្នាលេង តោងអាស្រមរានទេវបាក់រលំសង្កត់អកុសលរងរបួសធ្ងន់ពេកក៏បានដាច់ខ្យល់ស្លាប់គួរអោយអាសូរ។

ហេតុការណ៏នេះបានកើតឡើងកាល ពីវេលាម៉ោង ៣និង៣០ នាទីរសៀលថ្ងៃទី១៣ ខែមីនា ឆ្នាំ២០២០ នៅចំណុចផ្ទះខ្លួនឯងស្ថិតនៅក្នុងភូមិកោះក្បានខាងជើង ឃុំសំរោង ស្រុកចន្ទ្រា ខេត្តស្វាយរៀង។

សមត្ថកិច្ចនគរបាល ស្រុកចន្ទ្រាបានឲ្យដឹងថា ក្មេងរងគ្រោះដែលស្លាប់មានឈ្មោះអាត សំណាង ភេទប្រុសអាយុ ០២ ឆ្នាំ មានឪពុកឈ្មោះ អាត វណ្ណ អាយុ ២៥ ឆ្នាំមុខរបររោងចក្រ និង ម្តាយឈ្មោះ ស៊ីម សុណា អាយុ ២៤  ឆ្នាំ មុខរបររោងចក្រ មានទីលំនៅភូមិកោះក្បានខាងជើង ឃុំសំរោង ស្រុកចន្រ្ទា ខេត្តស្វាយរៀង។

ទី២.ឈ្មោះអឿន ស៊ីដា ភេទស្រីអាយុ ០៣ឆ្នាំមានឪពុកឈ្មោះ ស៊ីម កាស៊ន់ អាយុ២៨ឆ្នាំ មុខរបររោងចក្រ និង ម្តាយឈ្មោះ ចិន រតនះ អាយុ២៣ ឆ្នាំ មុខរបររោងចក្រ មានទីលំនៅភូមិកោះក្បានខាងជេីង ឃុំសំរោង ស្រុកចន្រ្ទា ស្រុកចន្រ្ទា ខេត្តស្វាយរៀង ។

ប្រភពបន្តថាមុនកើតហេតុ  ក្មេងទាំងពីរនាក់ខាងលើ បានរត់លេងនៅមុខផ្ទះតាឈ្មោះខឹមសៀរហើយខណះនោះក៏បានឡើងតោងរានទេវតាស្រាប់តែរលំសង្កត់ពីលេីបង្កការភ្ញាក់ផ្អើលដល់ក្រុមគ្រួសារនិងអ្នកភូមិនាំគ្នាជួយសង្គ្រោះក្មេងប្រុសស្រីពីរនាក់ដោយរបួសធ្ងន់ពេក ក៏បានដាច់ខ្យល់ស្លាប់នៅហ្នឹងកន្លែងតែម្តង ។បច្ចប្បន្នសាកសពត្រូវបាន ឪពុកម្តាយយកទៅធ្វេីបុណ្យតាមប្រពៃណីទាំងក្ដុកក្ដួលបំផុត។

សូមបងប្អូនទាំងអស់គ្នាមេត្តា ប្រុងប្រយត្ន័កូនចៅ និងការកសាងសំណងអាស្រមរានទេវតាអោយបានរឹងមាំនិងប្រុងប្រយត្ន័ខ្ពស់បំផុតព្រោះវាងាយគ្រោះថ្នាក់ដល់ក្មេងៗណាស់ជាក់ស្ដែងដូចករណីខាងលើនេះ។ យឹម សុថាន