រថយន្ត១គ្រឿងបុកប៉ះម៉ូតូ បណ្តាលអោយបុគ្គលិកការសុីណូ ២នាក់រងរបួស

ខេត្តព្រះសីហនុ ៖ នៅថ្ងៃ ពុធ ៣កេីត​ ខែ ចេត្រ ឆ្នាំ​ កុរ ឯកស័ក ព.ស២៥៦៣ ត្រូវនឹង​ថ្ងៃទី​២៦​ ខែមីនា ឆ្នាំ២០២០ វេលាម៉ោង ០៨:៤០នាទីព្រឹក លើផ្លូវជាតិលេខ៤ ចន្លោះគីឡូម៉ែត្រ ១៤៤-១៤៥ ស្ថិតនៅភូមិចំការហ្លួង ឃុំចំការហ្លួង ស្រុកកំពង់សីលា ខេត្តព្រះសីហនុ ។

មានករណីគ្រោះថ្នាក់ចរាចរណ៍មួយកើតឡើង រវាងរថយន្តបែន ០១គ្រឿងម៉ាក NISSAN ពណ៌ ស ពាក់ស្លាកលេខចង្កូតស្តាំ KPS-0281 មានទិសដៅពីខេត្តព្រះសីហនុ ឆ្ពោះទៅ ភ្នំពេញ លុះដល់ចំណុចខាងលើបានបុកម៉ូតូ ០១គ្រឿងដែលមានទិសដៅស្របគ្នា ម៉ូតូម៉ាក HONDA C125 ពណ៌ ខ្មៅ ពាក់ស្លាកលេខស្វាយរៀង1L-0671 អ្នកបើកបរឈ្មោះ ម៉ៅ ស៊ីម៉ារ៉ា ភេទ ប្រុស អាយុ ៣៤ឆ្នាំ មុខរបរ បុគ្គលិកកាស៊ីណូ ដឹកប្រពន្ធឈ្មោះ ស៊ាន រតនៈ អាយុ ៣០ឆ្នាំ អ្នកទាំងពីរមានទីលំនៅស្រុកព្រះស្តេច ខេត្តព្រៃវែង ។

ក្នុងករណីគ្រោះថ្នាក់ខាងលេីនេះបណ្តាលឲ្យរងរបួស ស្រាល មនុស្សចំនួន ០២នាក់ ប្តីប្រពន្ធ បានបញ្ជូនទៅព្យាបាលនៅមន្ទីរពេទ្យបង្អែកស្រុកស្រែអំបិល

បច្ចុប្បន្នវត្ថុតាង រថយន្ត និង ម៉ូតូ ផ្នែកជំនាញបានយកមករក្សាទុកនៅអធិការដ្ឋាននគរបាលស្រុកកំពង់សីលា រងចាំដោះស្រាយនៅពេលក្រោយ។ ឆ្លាម សមុទ្រ