សារព័ត៌មាន នគរវត្ត តែងតែនាំមុខគេជានិច្ច
អេស្បាញ៖ រាជបុត្រីអេស្បាញ ព្រះនាង Maria Teresa ព្រះជន ៨៦ វស្សាបានចូលទិវង្គត់ ដោយសារតែឆ្លងកូវីដ-១៩កាលពីថ្ងៃទី ២៦ខែមីនា។ ព្រះនាង Maria Teresa ស្ថិនៅក្នុងត្រកូលរាជវង្ស Bourbon-Parma ។ ព្រះអានុច គឺព្រះអង្គម្ចាស់Sixtus Henry បានបញ្ជាក់ពីព័ត៌មានចូលទិវង្គត់ របស់ព្រះរៀមផងដែរ។ មកទល់ពេលនេះ អេស្បាញ មានអ្នកស្លាប់ ដោយកូវីដ-១៩ កើនឡើងដល់ជាង៥៨០០នាក់ និងឆ្លងរាលដាលដល់ពលរដ្ឋជាង៧២ពាន់នាក់។
ព្រះនាង Maria Teresa ប្រសូត្រនៅទីក្រុងប៉ារីស ប្រទេសបារាំងកាលពីថ្ងៃ ទី២៨ ខែកក្កដា ឆ្នាំ១៩៣៣ ។ព្រះបិតា គឺព្រះរាជបុត្រ Xavier និងព្រះមាតាជារាជបុត្រី Carlist របស់ស្តេចអេស្បាញ។
កាលពីថ្ងៃទី ២៨ ខែមីនា អេស្បាញបានប្រកាសអាសន្ន ដោយចាត់វិធានការតឹងតែងបំផុត ដើម្បីទប់ស្កាត់ការឆ្លងរាលដាលនៃវីរុសដ៏កាចសហាវនេះ។ អេស្បាញជាប្រទេសឈរលំដាប់ទីពីរពីចំនួនអ្នកឆ្លងនិងស្លាប់ច្រើនជាងគេបន្ទាប់ពីអ៊ីតាលី៕
