សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ដោយមានការចង្អុលបង្ហាញ និងអនុវត្តន៍តាមការណែនាំរបស់លោកវរសេនីយ៍ឯក ម៉េង វិមានតារា អធិការនគរបាលខណ្ឌមានជ័យ លោក អ៊ុំ រតនា នាយប៉ុស្ដិ៍នគរបាលចាក់អង្រែលើ បានដឹកនាំកម្លាំងប៉ុស្ដិ៍ចុះល្បាតជាប្រចាំ ជាក់ស្ដែងនៅវេលាម៉ោង ៧ និង៣០នាទីយប់ ថ្ងៃពុធ ១០រោច ខែអាសាឍ ឆ្នាំជូត ឯកស័ក ព ស ២៥៦៤ ត្រូវនឹងថ្ងៃទី១៥ ខែកក្កដា ឆ្នាំ២០២០ កម្លាំងជំនាញបានឃាត់ខ្លួនជនសង្ស័យម្នាក់ ពាក់ព័ន្ធករណី ជួញដូរដោយខុសច្បាប់នូវសារធាតុញៀនត្រង់ចំណុច មុខសំណង់មិនរៀបរយផ្លូវ៦០ម៉ែត្រ ក្រុមទី៨ ភូមិ ព្រែកតាគង់សង្កាត់ចាក់អង្រែលើ ខណ្ឌមានជ័យរាជធានីភ្នំពេញ ។
លោក អ៊ុំ រតនា នាយប៉ុស្ដិ៍នគរបាលចាក់អង្រែលើ បានឲ្យដឹងថា ជនសង្ស័យម្នាក់ដែលត្រូវឃាត់ខ្លួនមាន ឈ្មោះ ផេន ម៉េងអាន ភេទប្រុសអាយុ ២៣ឆ្នាំជនជាតិខ្មែរ មុខរបរមិនពិតប្រាកដ ស្នាក់នៅមិនពិតប្រាកដ។
លោកនាយប៉ុស្ដិ៍នគរបាលចាក់អង្រែលើ បានឲ្យដឹងទៀតថា ៖ នៅថ្ងៃទី១៥ខែ កក្កដាឆ្នាំ២០២០ វេលាម៉ោង៧ និង៣០នាទីយប់ កម្លាំងប៉ុស្តិ៍ បានចុះល្បាតក្នុងមូលដ្ឋានមកដល់ចំណុចកេីតហេតុខាងលេី ក៏ប្រទះឃេីញជនសង្ស័យឈ្មោះផេន ម៉េងអានកំពុងឈរលក់ថ្នាំញៀនក៏ឃាត់ត្រួតពិនិត្យឃើញមានក្រាមសថ្លាចំនួន ០១ កញ្ចប់ថង់ធំល្មម (សង្ស័យជាគ្រឿងញៀ)ក៏ឃាត់ខ្លួនយកមកធ្វើការសាកសួរនៅប៉ុស្តិ៍នគរបាលចាក់អង្រែលើតែម្ដង។
ចំណែកវត្ថុតាងដកហូតរួមមាន៖ ក្រាមពណ៌សថ្លា ចំនួន០១កញ្ចប់ថង់ធំល្មម។
បច្ចុប្បន្ននេះ ជនសង្ស័យ ឈ្មោះ ផេន ម៉េងអាន ត្រូវបានសមត្ថកិច្ចឃាត់ខ្លួននៅអធិការដ្ឋាននគរបាលខណ្ឌមានជ័យ កសាងសំណុំរឿងតាមនីតិវិធីច្បាប់៕ ដោយ ៖ ភារ៉ា ដង្កោ
