សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សមត្ថកិច្ចជំនាញបានបង្ក្រាបបទល្មើសគ្រឿងញៀន១២ករណីទូទាំងប្រទេសដោយឃាត់ខ្លួនជនសង្ស័យបានចំនួន២០នាក់ កាលពីថ្ងៃទី២២ ខែសីហាឆ្នាំ២០២១ ។
ក្នុងចំណោមជនសង្ស័យទាំង២០នាក់ រួមមានអ្នកជួញដូរ១០ករណី ឃាត់ខ្លួនបាន១៧នាក់ និងអ្នកប្រើប្រាស់ ១ករណី ឃាត់ខ្លួួនបាន៣នាក់ និងដាំដុះ ១ករណី ។
វត្ថុតាងដែលចាប់យកសរុបក្នុងថ្ងៃទី២២ ខែសីហា រួមមាន ៖ មេតំហ្វេតាមីន(Ice) ទម្ងន់២៣.៩៥៧,៥៥ក្រាម និង១៣កញ្ចប់តូច និងអុិចស្តាស៊ី(mdma)ទម្ងន់៤.៨៣៨,៧៧ក្រាម ។
ប្រតិបត្តិការបង្ក្រាបបទល្មើសគ្រឿងញៀននេះមាន៩អង្គភាពដែលបានចូលរួមបង្ក្រាប គឺ៖
១-មន្ទីរ៖ ជួញដូរ១ករណី ឃាត់ខ្លួន២នាក់ ចាប់យកIce ទម្ងន់២៣៩៣៦,០០ក្រាម និងMDMA ៤៨៣៨,៧៧ក្រាម។
២-ខេត្តបាត់ដំបង ៖ ជួញដូរ១ករណី ឃាត់ខ្លួន ១នាក់ ចាប់យកIce ១៥,៤២ក្រាម។
៣-ខេត្តកំពត ៖ ជួញដូរ១ករណី ឃាត់ខ្លួន១នាក់ ចាប់យកIce ១,៥២ក្រាម។
៤-ខេត្តកណ្តាល ៖ ជួញដូរ១ករណី ឃាត់ ខ្លួន៤នាក់ ចាប់យកIce ២កញ្ចប់តូច។
៥-រាជធានីភ្នំពេញ ៖ ជួញដូរ៤ករណី ឃាត់ខ្លួន៤នាក់ ចាប់យកIce ១០កញ្ចប់តូច។
៦-ខេត្តព្រះវិហារ៖ ជួញដូរ១ករណី ឃាត់ខ្លួន២នាក់ ចាប់យកIce ១កញ្ចប់តូច។
៧-ខេត្តសៀមរាប៖ ប្រើប្រាស់១ករណី ឃាត់ខ្លួន៣នាក់។
៨-ខេត្តតាកែវ ៖ ដាំដុះ១ករណី ឃាត់ខ្លួន ០នាក់ ចាប់យកកញ្ឆាស្រស់មួយចំនួន។
៩-ខេត្តត្បូងឃ្មុំ ៖ ជួញដូរ១ករណី ឃាត់ខ្លួន៣នាក់ ចាប់យកIce ៤,៦១ក្រាម ៕
ដោយ៖ ជ្រោយពេជ្រ (រូបភាពឯកសារ)
