សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ អាជ្ញាធរខណ្ឌដូនពេញ នៅថ្ងៃទី២៦ ខែសីហា ឆ្នាំ២០២១នេះ ចុះបិទចរាចរណ៍ជុំវិញផ្សារធំថ្មី ខណៈក្រុមគ្រូពេទ្យបាននិងកំពុងយកសំណាកអាជីវករជាង១០០នាក់ ស្ថិតនៅក្នុងផ្សារធំថ្មី សង្កាត់ផ្សារថ្មីទី១ ខណ្ឌដូនពេញ។
បើយោងតាមសេចក្តីរាយការណ៍ជាបឋមពីផ្សារធំថ្មី បានឱ្យដឹងថា លទ្ធផលធ្វើតេស្តរហ័ស រកឃើញ វិជ្ជមាន ចំនួន ២នាក់គិតត្រឹមម៉ោង៦ល្ងាចថ្ងៃដដែលនេះ។
គួរបញ្ជាក់ថា បើយោងតាមសេចក្ដីជូនដំណឹងរបស់ក្រសួងសុខាភិបាលកម្ពុជា នៅថ្ងៃព្រហស្បតិ៍ទី២៦ ខែសីហានេះដែរ បានបញ្ជាក់ពីការរកឃើញករណីវិជ្ជមានវីរុសកូវីដ-១៩ថ្មីចំនួន៤២៣ នាក់ ខណៈឣ្នកជាសះស្បើយចំនួន២៩១ នាក់ និងករណីស្លាប់០៦ នាក់។
– ករណីឆ្លងសហគមន៍ ៣១២នាក់
– អ្នកដំណើរពីបរទេស ១១១នាក់
គិតត្រឹមព្រឹក ថ្ងៃទី២៦ ខែសីហា ឆ្នាំ២០២១
– អ្នកឆ្លងសរុប= 90,958 នាក់
– អ្នកជាសះស្បើយ= 86,993 នាក់
– អ្នកស្លាប់= 1,841 នាក់
ដោយឡែកអាជ្ញាធរមូលដ្ឋាន ក៏បានបញ្ជាក់ពីមូលហេតុថា មានអ្នកជំងឺកូវីដ-១៩ បំប្លែងថ្មី ប្រភេទដែលតា មកទីតាំងខាងលើនេះ កាលពីថ្ងៃទី១៥ សីហា ឆ្នាំ២០២១សូមប្រជាពលរដ្ឋដែលបានមកទីតាំងខាងលើ តាមដានសុខភាពរយៈពេល២១ថ្ងៃ ដើម្បីសុវត្ថិភាពទាំងអស់គ្នា៕
ដោយ៖សហការី
