សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ មនុស្ស៦នាក់ត្រូវកម្លាំងក្រុមអន្តរាគមន៍បង្ការបង្ក្រាប ដឹកនាំដោយលោកវរសេនីយ៍ឯក ឈឿង គឹមសុង នាយការិយាល័យនគរបាលព្រហ្មទណ្ឌកម្រិតស្រាលបានចុះបង្ក្រាបនិងឃាត់ខ្លួនករណីប្រមូលផ្តុំគ្នាល្បែងស៊ីសងដោយខុសច្បាប់ ( លេងអាប៉ោង ) ។
លោកវរសេនីយ៍ឯក ឈឿង គឹមសុង នាយការិយាល័យនគរបាលព្រហ្មទណ្ឌកម្រិតស្រាលបានឱ្យដឹងថា កិច្ចប្រតិបត្តិការនេះធ្វើឡើងនៅវេលាម៉ោង១៤និង៤២ នាទី កាលពីថ្ងៃទី២៩ ខែសីហា ឆ្នាំ ២០២១ នៅចំណុចភូមិតាព្រាត ឃុំមុខរាហ៍ ស្រុករុក្ខគីរី ខេត្តបាត់ដំបង ។
សមត្ថកិច្ចបានឱ្យដឹងថាមនុស្សទាំង៦នាក់ដែលឃាត់ខ្លួននោះមាន ៖
១-ឈ្មោះ យឹម សារ៉េត ហៅ សួន ប៉ារ៉ា ភេទប្រុស អាយុ៥៨ ឆ្នាំ មានទីលំនៅភូមិស្វាយអាត់ ឃុំស្នាមព្រះ ស្រុកបាកាន ខេត្តពោធិ៍សាត់។
២-ឈ្មោះ ឈឺន រ៉ាង ភេទប្រុស អាយុ៤៩ឆ្នាំ មានទីលំនៅភូមិតាព្រាត ឃុំមុខរាហ៍ ស្រុករុក្ខគិរី ខេត្តបាត់ដំបង។
៣- ឈ្មោះ ស៊ីម អូន ភេទប្រុស អាយុ៦២ឆ្នាំ មានទីលំនៅភូមិមុខរាហ៍ ឃុំមុខរាហ៍ ស្រុករុក្ខគិរី ខេត្តបាត់ដំបង ។
៤- ឈ្មោះ យិន ង៉ែត ភេទប្រុស អាយុ៦៣ឆ្នាំ មានទីលំនៅភូមិព្រៃវាំង ឃុំតាលោ ស្រុកតាលោសែនជ័យ ខេត្តពោធិ៍សាត់។
៥- ឈ្មោះ នួន គោ ភេទប្រុស អាយុ៥៥ឆ្នាំ មានទីលំនៅភូមិតាព្រាត ឃុំមុខរាហ៍ ស្រុករុក្ខគិរី ខេត្តបាត់ដំបង។
៦- ឈ្មោះ សយ សុផល ភេទប្រុស អាយុ៥៤ឆ្នាំ មានទីលំនៅភូមិក្តីស្នួល ឃុំត្រពាំងជង ស្រុកបាកាន ខេត្តពោធិ៍សាត់ ។
ចំពោះវត្ថុតាងចាប់យករួមមាន៖
- មេអាប៉ោងចំនួន០១គ្រាប់
- ចានសម្រាប់បង្វិលមេអាប៉ោងចំនួន០២
- ផ្តិលជ័រសម្រាប់គ្របអាប៉ោងចំនួន០១
- ធុងជ័រដាក់ដីសម្រាប់ទ្រចានអាប៉ោងចំនួន០១
- កម្រាលមានសរសេរជាលេខគំនូសសម្រាប់ចាក់អាប៉ោងចំនួន០១
- ម៉ូតូចំនួន០២ គ្រឿង ។
សមត្ថកិច្ចជំនាញបញ្ជាក់ថា មនុស្សទាំង៦នាក់នោះត្រូវកសាងសំណុំរឿងបញ្ជូនទៅតុលាការខេត្តបាត់ដំបងចាត់ការបន្តតាមនីតិវិធីនៅរសៀលថ្ងៃទី៣០ ខែសីហា ឆ្នាំ២០២១នេះ៕
ដោយ៖ ចន្ទ លីហ្សា
