សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្តាល ៖ ពិតជាមនុស្សអប្រិយចិត្តតិរច្ឆានមែនដែលស្ត្រីជាម្ដាយម្នាក់មានគំនិតដ៏ស្មោកគ្រោកហ៊ានចាប់កូនស្រីបង្កើតរបស់ខ្លួនឲ្យប្តីចុងរំលោភបានជាច្រើនដង ព្រមទាំងបានវាយធ្វើបាបនាងជាកូនថែមទៀតផង។
ហេតុការណ៍នេះបានកើតឡើងកាលពីថ្ងៃ សុក្រ ១១រោច ខែស្រាពណ៍ ឆ្នាំឆ្លូវ ព.ស. ២៥៦៥ត្រូវនឹងថ្ងៃទី០៣ ខែកញ្ញា ឆ្នាំ២០២១ នៅចំណុចភូមិព្រែករកា ឃុំព្រែករកា ស្រុកកណ្តាលស្ទឹង ខេត្តកណ្តាល។
លោកវរសេនីយ៍ទោ សុឹម គឹមស៊ុន អធិការរងស្រុកកណ្តាលស្ទឹងបានឱ្យដឹងថា ជនរងគ្រោះមានឈ្មោះ ម.ស.ម ភេទស្រី អាយុ១២ឆ្នាំ មានទីលំនៅភូមិព្រែកសំរោងទី២ សង្កាត់តាខ្មៅ ក្រុងតាខ្មៅ ខេត្តកណ្ដាល មុខរបរសិស្ស។ ចំណែកជនសង្ស័យមានចំនួន២នាក់គឺទី១-ឈ្មោះ មួង ចាត ហៅ តាក់ ភេទប្រុស អាយុ៤៧ឆ្នាំ មានទីលំនៅភូមិព្រែករកា ឃុំ ព្រែករកា ស្រុកកណ្តាលស្ទឹង ខេត្តកណ្តាល មុខរបរកសិករ (ត្រូវជាឪពុកចុង)។ ២-ឈ្មោះ ជាន ហ៊ុច ភេទស្រី អាយុ៥០ឆ្នាំ មានទីលំនៅភូមិព្រែករកា ឃុំ ព្រែករកា ស្រុកកណ្ដាលស្ទឹង ខេត្តកណ្តាល មុខរបរមិនពិតប្រាកដ(ជាម្ដាយបង្កើតរបស់ក្មេងស្រីរងគ្រោះត្រូវឃាត់ខ្លួន)។
លោក សុឹម គឹមស៊ុនបានបន្ថែមទៀតថា បើយោងតាមការរៀបរាប់របស់ជនរងគ្រោះបានឱ្យដឹងថា ដោយមិនចាំថ្ងៃ តែក្នុងអំឡុងខែមីនា ឆ្នាំ២០២០ឈ្មោះ ជាន ហ៊ុច អាយុ៥០ឆ្នាំ ត្រូវជាម្តាយបង្កេីតរបស់ជនរងគ្រោះបានចុះចោលប្តីរបស់ខ្លួនទៅមានប្តីថ្មីមួយទៀតឈ្មោះ មួង ចាត ហៅ តាក់(ជនសង្ស័យ) រស់នៅភូមិឃុំកេីតហេតុខាងលេី។ លុះមកដល់ថ្ងៃទី២៦ ខែកក្កដា ឆ្នាំ២០២១ វេលាម៉ោង៨:០០នាទីម្តាយបង្កើតរបស់ជនរងគ្រោះបានមកដល់ផ្ទះឪពុកបង្កើតរបស់ជនរងគ្រោះ ហេីយបានសុំជួបជនរងគ្រោះមួយថ្ងៃ។ ពេលនោះឪពុករបស់ជនរងគ្រោះបានអនុញ្ញាតឱ្យម្តាយជនរងគ្រោះនៅជាមួយជនរងគ្រោះមួយយប់។ លុះស្អែកឡេីងវេលាម៉ោង១៦:៣០នាទី ពេលឪពុករបស់ជនរងគ្រោះទៅចម្ការរបាត់ ស្រាប់តែម្តាយបង្កើតរបស់ជនរងគ្រោះបានយកជនរងគ្រោះទៅបាត់ ហើយពេលឪពុកជនរងគ្រោះត្រឡប់មកពីចម្ការវិញមិនឃេីញកូនស្រីរបស់ខ្លួនក៏តាមទៅរកដល់ម្តុំផ្លូវជាតិលេខ៣ស្រុកកណ្តាលស្ទឹងតែពុំឃេីញក៏ត្រឡប់មកផ្ទះវិញ ។
លុះមកដល់ថ្ងៃទី១ ខែកញ្ញា ឆ្នាំ២០២១ វេលាម៉ោង៨និង០០នាទីព្រឹក ម្តាយបង្កើតរបស់ជនរងគ្រោះបាននាំជនរងគ្រោះត្រឡប់មកផ្ទះវិញ ហេីយបានសុំរួមរស់នៅជាមួយប្តីដេីមវិញ តែឪពុកជនរងគ្រោះមិនព្រមឱ្យនៅទេ តែម្តាយជនរងគ្រោះមិនព្រមចេញក៏ដេកស្នាក់នៅផ្ទះជាមួយជនរងគ្រោះមួយយប់ទៀត រហូតស្អែកឡើងពេលឪពុកជនរងគ្រោះទៅបេះបន្លែបាត់ ម្តាយបង្កើតជនរងគ្រោះបានលួចលុយចំនួន៥០០ដុល្លាររត់គេចខ្លួនបាត់ ពេលនោះជនរងគ្រោះបាននិយាយប្រាប់ឪពុកបង្កើតរបស់ខ្លួនថា ពេលជនរងគ្រោះមករស់នៅជាមួយម្តាយរបស់ខ្លួននិងឪពុកចុងនៅភូមិឃុំកេីតហេតុ ម្តាយបានវាយធ្វេីបាបរាល់ថ្ងៃ ចំណែកឪពុកចុងក៏បានវាយធ្វើបាបរាល់ថ្ងៃ និងបានចាប់រំលោភនាងចំនួន៤ដង គឺលើកទី១ពេលយប់នៅលេីផ្ទះរបស់ជនសង្ស័យតែមិនបានសម្រេច លេីកទី២ ទី៣ និងទី៤នៅលេីផ្ទះដដែលបានសម្រេច ដោយម្តាយជាអ្នករួមគំនិត ជួយចាប់ជេីងជនរងគ្រោះទាំងសងខាង ដេីម្បីឱ្យជនសង្ស័យរំលោភម្តងៗ ហើយជនសង្ស័យទាំងពីរនាក់តែងតែវាយធ្វើបាបនិងគំរាមជនរងគ្រោះមិនឱ្យប្រាប់អ្នកណាទេ។ ពេលឮដូចនោះឪពុកបង្កើតរបស់ជនរងគ្រោះបានទៅដាក់ពាក្យបណ្ដឹងនៅប៉ុស្ត៏នគរបាលរដ្នបាលសង្កាត់តាខ្មៅ ហេីយកម្លាំងប៉ុស្តិ៍នគរបាលរដ្ឋបាលសង្កាត់តាខ្មៅបានណែនាំឲ្យទៅដាក់ពាក្យបណ្ដឹងនៅប៉ុស្ត៏នគរបាលរដ្នបាលឃុំ ព្រែករកា។ ក្រោយទទួលបានបណ្តឹងនេះកម្លាំងផ្នែកព្រហ្មទណ្ឌស្រុកកណ្តាលស្ទឹង សហការជាមួយកម្លាំងប៉ុស្តិ៍នគរបាលរដ្ឋឃុំព្រែករកាបានចុះស្រាវជ្រាវឃាត់ខ្លួនជនសង្ស័យទាំងពីរបញ្ជូនមកកាន់អធិការដ្ឋាននគរបាលស្រុកកណ្តាលស្ទឹងដេីម្បីកសាងសំណុំរឿងតាមនីតិវិធី៕
ដោយ៖ ស សម
