សារព័ត៌មាន នគរវត្ត តែងតែនាំមុខគេជានិច្ច
កីឡាករ Miralem Pjanic បានចូលរួមជាមួយក្រុម Besiktas របស់ទួរគីក្នុងលក្ខខណ្ឌខ្ចីជើង១ឆ្នាំដោយគ្មានជម្រើសក្នុងការទិញ បន្ទាប់ពីពិបាកបង្ហាញខ្លួនឱ្យ Barcelona ក្នុងរដូវកាលដំបូងរបស់គាត់នៅក្លិបនេះ។
ទីផ្សារដោះដូរកីឡាករនៅអេស្ប៉ាញបានបិទនៅថ្ងៃទី៣១ ខែសីហា ប៉ុន្តែវានៅតែបើកចំហនៅក្នុងប្រទេសទួរគីមានន័យថា កិច្ចព្រមព្រៀងមួយអាចត្រូវបានគេនាំយកទៅកីឡាករសញ្ជាតិបូស្នៀរូបនេះទៅកាន់ទឹកដីអ៊ីស្តង់ប៊ុល។
Pjanic គឺជាកីឡាករម្នាក់ដែល Barcelona បានព្យាយាមលក់នៅរដូវក្តៅនេះក្នុងគោលបំណងមានដើមទុនទុកបម្រុង និងកាត់បន្ថយចំណាយ ហើយគាត់មិនជាប់ពាក់ព័ន្ធនឹងផែនការរបស់គ្រូបង្វឹកលោក Ronald Koeman សម្រាប់រដូវកាលនេះទេ។ កីឡាកររូបនេះលេងបាន៣០ប្រកួតក្នុងរដូវកាល ២០២០-២០២១ ដោយចាប់ផ្តើមបង្ហាញខ្លួននៅតង់ទី១បាន១៣ដង និងលេងរហូតដល់ចប់៩០នាទីតែ៥ដងប៉ុណ្ណោះ។
លោក Koeman ចូលចិត្តកីឡាករ៣នាក់គឺ Sergio Busquets, Frenkiede Jong និង Pedri នៅតំបន់កណ្តាល ខណៈដែលកីឡាករ Pjanic បរាជ័យក្នុងការស្នាក់នៅតាមការរំពឹងទុកក្នុងទឹកដី Camp Nou ។
Pjanic ក៏មិនត្រូវបានបញ្ចូលក្នុងក្រុមសម្រាប់ការប្រកួត La Liga ពីរលើកដំបូងនៃរដូវកាលនេះដែរ ហើយទោះបីជាគាត់ជាក្រុមសម្រាប់ការប្រកួតលើកទី៣ក៏ដោយក៏គាត់មិនមានភាពកក់ក្តៅដែរ។ ការផ្លាស់ប្តូរនេះកើតឡើងបន្ទាប់ពី Pjanic បរាជ័យក្នុងការស្វែងរកការវិលត្រឡប់ទៅប្រទេសអុីតាលីវិញដែលជាកន្លែងដែលគាត់រីករាយជាមួយក្រុម Roma និង Juventus ៕
ដោយ៖ ភារៈ(រូបភាព ៖ MARCA)
