សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រកឃើញវិជ្ជមានកូវីដ-១៩ ចំនួន ១១នាក់ ក្នុងចំណោម កម្មករកម្មការិនី ១៤៩១នាក់ នៅរោងចក្រកាត់ដេរសំលៀកបំពាក់ម៉ាវ៉ល ហ្គាមិន ឯ.ក ដែលពាក់ព័ន្ធករណីកូវីដ-១៩ បំប្លែងថ្មី Delta ។ នេះបើយោងតាមការបញ្ជាក់ឲ្យដឹងពីអង្គភាពអនុគណៈកម្មការស្រាវជ្រាវជំងឺ covid-19 នៅល្ងាចថ្ងៃទី៧ ខែកញ្ញា ឆ្នាំ២០២១ នេះ។
អង្គភាពអនុគណៈកម្មការស្រាវជ្រាវជំងឺ covid-19 បានគូសបញ្ជាក់ថា, នៅថ្ងៃទី០៤ កញ្ញា ឆ្នាំ២០២១ រោងចក្រកាត់ដេរសំលៀកបំពាក់ម៉ាវ៉ល ហ្គាមិន ឯ.ក ដែលពាក់ព័ន្ធករណីកូវីដ-១៩ បំប្លែងថ្មី Delta មានទីតាំងស្ថិតនៅ ផ្លូវជាតិលេខ៤ ភូមិបឹងធំ៣ សង្កាត់បឹងធំ ខណ្ឌកំបូល រាជធានីភ្នំពេញ រកឃើញវិជ្ជមានកូវីដ-១៩ ចំនួន ១១នាក់ ក្នុងចំណោម កម្មករកម្មការិនី ១៤៩១នាក់។
អង្គភាពអនុគណៈកម្មការស្រាវជ្រាវជំងឺ covid-19, ដើម្បីសុវត្ថិភាព សូមយកចិត្តទុកដាក់ តាមដានសុខភាពរបស់ខ្លួនរយៈពេល ២១ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងនេះ ៕
ដោយ ៖ សិលា
