សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តកុងតឺន័រមួយគ្រឿងបេីកចេញពីក្រុមហ៊ុនជ្រុលទៅបុកកិនម៉ូតូមួយគ្រឿងបណ្តាលឱ្យស្ត្រីម្នាក់រងរបួសធ្ងន់ចំណែកបុរសជាប្តីរងរបួសស្រាលរីឯម៉ូតូគាបជាប់ខាងក្រោមរថយន្តរងការខូចខាតយ៉ាងដំណំ។
ហេតុការណ៍នេះបានកេីតឡេីងកាលពីវេលាម៉ោង១០និង៤០នាទីព្រឹកថ្ងៃទី១០ ខែកញ្ញា ឆ្នាំ២០២១ នៅចំណុចមុខក្រុមហ៊ុនហុងដា តាមបណ្តោយផ្លូវចោមចៅ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញបុរសម្នាក់ជិះម៉ូតូម៉ាកហុងដាឌ្រីមសង់ ពណ៌ស ពាក់ស្លាកលេខភ្នំពេញ1IS 3955 រួមដំណេីរជាមួយប្រពន្ធ ធ្វេីដំណេីរតាមបណ្តោយផ្លូវចោមចៅ ក្នុងទិសដៅពីកេីតទៅលិចខណៈមកដល់ចំណុចកេីតហេតុស្រាប់តែមានរថយន្តកុងតឺន័រ ក្បាលពណ៌ខៀវ លាយឈាមជ្រូក ពាក់ស្លាកលេខ3A 0279 ធ្វេីដំណេីរចេញពីក្រុមហ៊ុនហុងដា ឡេីងលេីផ្លូវចោមចៅក៏ជ្រុកបុកនិងកិនម៉ូតូគាបជាប់ខាងក្រោមរថយន្តបណ្តាលឱ្យស្ត្រីអង្គុយខាងក្រោយរងរបួសធ្ងន់។
ក្រោយកេីតហេតុជនរងគ្រោះត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗចំណែកម៉ូតូត្រូវបានសមត្ថកិច្ចធ្វេីការវាស់វែងយកទៅរក្សាទុករង់ចាំដោះស្រាយពេលក្រោយ៕
ដោយ៖សុខាសែនជ័យ
