សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះវិហារ ៖ នៅថ្ងៃសុក្រ ទី១០ ខែ កញ្ញា ឆ្នាំ២០២១ អគ្គនាយកដ្ឋានយោធសេវាក្រសួងការពារជាតិ និងជាប្រធានអនុគណៈកម្មការ គោលនយោបាយយោធិន ពលី មរណៈបង្កស្លាប់ បាត់ខ្លួន ពិការ និងសោធននិវត្តន៍ លោកឧត្តមសេនីយ៍ឯក សំ ចាន់ធួន អគ្គនាយករង នៃអគ្គនាយកដ្ឋានបានដឹកនាំក្រុមការងារ អញ្ជើញបើកប្រាក់ គោលនយោបាយ ១លើកដំបូងជូនយោធិនពិការ និងគ្រួសារយោធិនពលី កងពលធំអន្តរាគមន៍លេខ៣ ដែលត្រូវបានផ្ទេរចេញពីក្របខណ្ឌក្រសួងការពារជាតិ ចំនួន ៩៤នាក់ ក្នុងនោះយោធិនពិការចំនួន ៦២នាក់ និងយោធិនពលីចំនួន ៣២នាក់។
ក្នុងឱកាសនោះដែរ ត្រូវបានទទួលស្វាគមន៍ ឧត្តមសេនីយ៍ត្រី ហ៊ឹម ហាប់ មេបញ្ជាការរងកងពលធំអន្តរាគមន៍លេខ៣។
ថ្លែងក្នុងពិធី លោកឧត្តមសេនីយ៍ឯក សំ ចាន់ធួន អគ្គនាយករង អគ្គនាយកដ្ឋានយោធសេវាក្រសួងការពារជាតិ បានពន្យល់អំពីច្បាប់ និងគោលរបប នីតិវិធីក្នុងការបើកប្រាក់ ក្នុងបរិបទកូវីដ-១៩ ដោយអនុវត្តតាម អនុក្រឹត្យលេខ០៨ និងសារាចរណែនាំ អន្តរក្រសួង លេខ០០១ ស្ដីពីរបបគោលនយោបាយ ចំពោះយោធិនពលី មរណៈ និងយោធិនពិការ។
លោកឧត្តមសេនីយ៍ឯក បានលើកអំពីវីរៈភាព របស់យោធិនយើង ដែលកន្លងមក បានបម្រើក្នុងជួរកងទ័ព ដើម្បីជាតិមាតុភូមិ ខ្លះត្រូវបានពលី និងខ្លះទៀតត្រូវធ្លាក់ខ្លួនពិការ ហើយត្រូវទទួលបាន បើកប្រាក់គោលនយោបាយ នាពេលនេះ ជាការឆ្លើយតប និងដឹងគុណពីសំណាក់ថ្នាក់ដឹកនាំ គ្រប់ថ្នាក់ ហើយបងប្អូន ត្រូវផ្ទេរជីវភាពបើកបន្ត នៅក្រសួងសង្គមកិច្ច អតីតយុទ្ធជន និង យុវនីតិសម្បទា រហូតអស់មួយជីវិត។
លោកឧត្តមសេនីយ៍ សង្ឃឹមថា បងប្អូនទាំងអស់ នៅពេលបានបើកប្រាក់គោលរបបបានហើយ សូមបងប្អូនយកទៅប្រើប្រាស់អោយមានប្រយោជន នឹងបង្កើនជីវភាពគ្រួសារឱ្យមានភាពរីកច្រេីន ដើម្បីផ្គត់ផ្គង់ដល់ការសិក្សារបស់កូនៗដើម្បីបន្តវេនរួមគ្នាកសាង អភិវឌ្ឍន៍ប្រទេស។
លោកបានសំណូមពរដល់ យោធិនពិការ និងគ្រួសារយោធិនពលី ទាំងអស់ សូមចូលរួមទប់ស្កាត់ជំងឺកូវីដ-១៩ តាមការណែរបស់ក្រសួងសុខាភិបាល និងអនុវត្តតាមអនុសាសន៍របស់ សម្ដេចតេជោ ហ៊ុនសែន នូវវិធានការ ៣ការពារ និង ៣កុំ៕
ដោយ៖ ស សម
