សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បេីយោងតាមប្រភពព័ត៌មានពីផេកហ្វេសប៊ុករបស់អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ(ក.ប.ប.) នៅរសៀលថ្ងៃអង្គារទី១៤ ខែកញ្ញា ឆ្នាំ២០២១នេះថា៖ មន្រ្តីជំនាញរបស់អគ្គនាយកដ្ឋាន ក.ប.ប. ប្រចាំខេត្តកំពងធំ និងខេត្តព្រៃវែង កាលពីថ្ងៃទី១៣ ខែកញ្ញាម្សិលមិញនេះ បន្តចុះត្រួតពិនិត្យតាមស្ថានីយដេប៉ូប្រេងឥន្ធនៈដើម្បីទប់ស្កាត់អំពើមិនសុចរិតក្នុងធុរៈកិច្ចប្រេងឥន្ធនៈ បានចំនួន ២០ដេប៉ូ ដោយបានរកឃើញដេប៉ូចំនួន ៨ មិនមានភាពអនុលោម និងបានធ្វើការពិន័យដល់ម្ចាស់ដេប៉ូទាំងនោះផងដែរ។
ជាមួយគ្នានេះ មន្ត្រីក.ប.ប. ប្រចាំខេត្តស្វាយរៀង បានចុះត្រួតពិនិត្យដេប៉ូប្រេងឥន្ធនៈចំនួន ៧ កន្លែងដែលស្ថិតក្នុងក្រុងបាវិត ខេត្តស្វាយរៀង កាលពីព្រឹកថ្ងៃទី១៣ ខែកញ្ញា ដោយក្នុងនោះក៏បានរកឃេីញថាដេប៉ូប្រេងឥន្ធនៈចំនួន ៤ទៀតដែលមិនអនុលោមទៅតាមច្បាប់ដែលបានកំណត់ ហេីយមន្ត្រីជំនាញក៏បានពិន័យលេីម្ចាស់ដេប៉ូប្រេងឥន្ធនៈទាំងនោះតាមនីតិវិធី៕
ដោយ៖សហការី
