សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោក ម៉ុក ច័ន្ទករុណា អភិបាលរង នៃគណៈអភិបាលខណ្ឌដូនពេញ នៅវេលាម៉ោង០៩ និង៣០នាទីព្រឹកថ្ងៃអាទិត្យ ១៣កើត ខែភទ្របទ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី១៩ ខែកញ្ញា ឆ្នាំ២០២១នេះ បានដឹកនាំក្រុមការងារចម្រុះខណ្ឌ ចុះសម្របសម្រួលជូនក្រុមគ្រូពេទ្យស្ម័គ្រចិត្តយុវជនសម្តេចតេជោ TYDA យកសំណាក ( Rapid Test និង PCR ) លើកទី១ ជូនកម្មករ-បុគ្គលិក ពាក់ព័ន្ធនឹងអ្នកជំងឺប្រភេទ Delta ចំនួន១១២នាក់ ( ស្រី ២៤នាក់ ) ស្ថិតនៅការដ្ឋានមន្ទីរពេទ្យសង់ត្រាល់ ផ្លូវលេខ១៥៤ ភូមិ១១ សង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ ។
លោកអភិបាលរងរូបនេះ បានបញ្ជាក់បន្ថែមថា ក្នុងការចុះយកសំណាកខាងលេីនេះ ជាលទ្ធផល មានវិជ្ជមានចំនួន ០៣នាក់ ។ ទន្ទឹមនឹងនេះ រដ្ឋបាលខណ្ឌដូនពេញ សម្រេចបិទខ្ទប់ទីតាំងការដ្ឋានជាបណ្តោះអាសន្ន។
ជាមួយគ្នានេះ អាជ្ញាធរខណ្ឌដូនពេញ ក៏បានក្រើនរំលឹកដល់បងប្អូនប្រជាពលរដ្ឋគ្រប់គ្នា បើទោះបីបានចាក់វ៉ាក់សាំងការពាររួចរាល់ហើយក្តី ក៏កុំភ្លេចខ្លួន និងមានការធ្វេសប្រហែស ហើយត្រូវបន្តចូលរួមអនុវត្តឱ្យបានខ្ជាប់ខ្ជួន នូវវិធានការនានារបស់ក្រសួងសុខាភិបាល និងវិធានការណ៍ការពារ ៣ការពារ ៣កុំ របស់សម្តេចតេជោ ហ៊ុនសែន ដើម្បីកាត់ផ្តាច់ការឆ្លងរាលដាលនៃជំងឺកូវីដ-១៩ ជាសហគមន៍ទាំងអស់គ្នា៕
ដោយ៖ស តារា
