ទេយ្យវត្ថុ បច្ច័យ និងទៀនព្រះវស្សារបស់អ្នកឧកញ៉ា ព្រឹទ្ធមហាឧបាសិកាធម្មញ្ញាណវិ វឌ្ឍនា ប៊ុន ស៊ាងលី វេរប្រគេនជូនព្រះពុទ្ធគីរីវនារាមក្នុងស្រុកឈូកនៃខេត្តកំពត

ចែករំលែក៖

ខេត្តកំពត៖ បេីយោងតាមផេកហ្វេសប៊ុកផ្លូវការរបស់លោកស្រី ហ៊ុន ម៉ាណា នៅព្រឹកថ្ងៃចន្ទទី២០ ខែកញ្ញា ឆ្នាំ២០២១ បានឱ្យដឹងថា ដោយមើលឃើញការលំបាកនៃការរីករាលដាលនៃជំងឺកូវីដ-១៩នាពេលបច្ចុប្បន្ននេះ ធ្វើព្រះសង្ឃដែលគង់ចាំព្រះវស្សានៅវត្តព្រះពុទ្ធគីរីវនារាម មិនអាចចេញនិមន្តបិណ្ឌបាតបាន ហើយប្រជាពុទ្ធបរិស័ទក៏មិនអាចយកចង្ហាន់ទៅប្រគេនព្រះសង្ឃដូចគ្រាមុននោះដែរ។ ទើបនាថ្ងៃទី១៩ ខែកញ្ញាម្សិលមិញនេះ លោក ឌី វិជ្ជា និងលោកស្រី ហ៊ុន ម៉ាណា បានចាត់ឱ្យលោក ជិន ប៊ុនធឿន រួមជាមួយក្រុមការងារជាតំណាង នាំយកទេយ្យវត្ថុមួយចំនួនធំ និងបច្ច័យ ព្រមទាំងទៀនព្រះវស្សារបស់អ្នកឧកញ៉ា ព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី ទៅវេរប្រគេនជូនព្រះសង្ឃគង់នៅវត្តព្រះពុទ្ធគីរីវនារាមនៅក្នុងភូមិភ្នំព្រាល ឃុំតាកែន ស្រុកឈូក នៃខេត្តកំពត។

ឆ្លៀតក្នុងឱកាសនោះ លោក ជិន ប៊ុនធឿនបាន សំណេះសំណាល និងពាំនាំយកនូវការផ្តាំផ្ញើរ សួរសុខ ទុក្ខពីសំណាក់លោក ឌី វិជ្ជា និងលោកស្រី ហ៊ុន ម៉ាណា ជូនដល់ពុកម៉ែ បងប្អូន លោកតា លោកយាយថា ប្រទេសកម្ពុជាយើង រដ្ឋាភិបាលក្រោមការដឹកនាំរបស់សម្តេចតេជោ ហ៊ុន សែន ជានាយករដ្ឋមន្ត្រីបានរឹតបន្តឹងនូវវិធានការការទប់ស្កាត់ការឆ្លងរីករាលដាលជំងឺកូវីដ-១៩ សូមអោយប្រជាពលរដ្ឋកម្ពុជាមេត្តាចូលអនុវត្តនូវវិធានការរបស់ក្រសួងសុខាភិបាល ដោយបង្កើនការយកចិត្តទុកដាក់ថែរក្សាសុខភាពប្រចាំថ្ងៃរបស់ប្រជាពលរដ្ឋ ដើម្បីការពារពីជំងឺឆ្លងកូវីដ-១៩ ដូចជាការលាងដៃជាប់ជាប្រចាំ និងពាក់ម៉ាស់ពេទ្យ ឬក្រម៉ានៅកន្លែងមានមនុស្សជួបជុំគ្នាច្រើន ។

ចំពោះទេយ្យវត្ថុដែលវេរប្រគេនជូនវត្តនៅពេលនេះរួមមាន៖

១-អង្ករ ចំនួន ១តោន ស្មើនឹង ១០០០គីឡូ

២-ត្រីខ ចំនួន ០១កេស ស្មើ ១០០កំប៉ុង

៣-មី ចំនួន ១០កេសធំ

៤-ភេសជ្ជៈ Carabao ៣កេស

៥-ត្រីងៀត ១០ គីឡូ

៦-សាច់ក្រក់ ១០ គីឡូ

៧-សាច់ជ្រូកផាត់ ១០ គីឡូ

៨-ទឹកដោះគោខាប់ ២កេស ស្មើ ៩៦កំប៉ុង

៩-កាហ្វេ ចំនួន ៥កញ្ចប់ធំ ស្មើ ២៥០កញ្ចប់តូច

១០-តែ ២គីឡូ

១១-ស្ករស ២៥ គីឡូ