សារព័ត៌មាន នគរវត្ត តែងតែនាំមុខគេជានិច្ច
ក្រុមមាន់ខ្នាយមាស Tottenham និង Chelsea បានដឹកនាំការគោរពចំពោះអតីតកីឡាកររបស់ពួកគេគឺ Jimmy Greaves ដែលបានទទួលមរណភាពក្នុងវ័យ៨១ឆ្នាំ។ កីឡាករនៃក្រុមមាន់ខ្នាយមាស បានតម្រង់ជួរនៅខាងក្នុងកីឡដ្ឋាន Tottenham Hotspur ខណៈដែលការទះដៃមួយនាទីត្រូវបានធ្វើឡើងមុនពេលចាប់ផ្តើមការប្រកួត។
អតីតកីឡាករសំខាន់ៗដូចជា Martin Chivers, Steve Perryman, Micky Hazard, Paul Allen, Ossie Ardiles, Gary Mabbutt, Graham Roberts, Glenn Hoddle, Ledley King និង Michael Dawson សុទ្ធតែមានវត្តមានទាំងអស់។ ក្នុងកំឡុងពេលទះដៃអ្នកគាំទ្រក្រុម Spurs ខ្លះបានកាន់ទង់ជាតិ និងបដាដើម្បីចងចាំអ្នកស៊ុតបញ្ចូលទីកំណត់ត្រារបស់ក្លិប។
អតីតខ្សែប្រយុទ្ធក្រុម Spurs និងក្រុមជម្រើសជាតិអង់គ្លេសលោក Gary Lineker បានប្រាប់ BBC Sport ថា “Jimmy មានការរួមចំណែកដ៏អស្ចារ្យចំពោះបាល់ទាត់ដែលជាកំណត់ត្រារកគ្រាប់បាល់បានមិនគួរឱ្យជឿ។ គាត់ពិតជាគួរឱ្យគោរពណាស់ជាមួយនឹងភាពវៃឆ្លាត និងបុគ្គលិកលក្ខណៈរបស់គាត់ សម្រាប់ខ្ញុំគាត់ក៏ជាវីរបុរសម្នាក់របស់ខ្ញុំផងដែរ” ។
នៅថ្ងៃដ៏រំជើបរំជួលមួយនៅលើទីលានបាល់ទាត់ West Ham ដែលជាអតីតក្លិបមួយទៀតរបស់លោក Jimmy Greaves បានទះដៃអបអរសាទរមួយនាទីមុនការប្រកួត Premier League ទល់នឹងក្រុមបិសាចក្រហម Manchester United ដូចគ្នានឹងក្រុម Brighton និង Leicester City ដែរ។
ប្រធានក្រុម Spurs លោក Harry Kane ដែលឈរនៅលំដាប់ទី២នៅពីក្រោយលោក Greaves ក្នុងបញ្ជីអ្នករកគ្រាប់បាល់បានច្រើនរបស់ក្លិបបាននិយាយថា “ជាបឋមការចូលរួមរំលែកទុក្ខរបស់យើងចំពោះគ្រួសាររបស់ Jimmy និងមិត្តភក្តិជិតស្និទ្ធិរបស់យើងគឺជាការសោកស្តាយមួយប៉ុន្តែសង្ឃឹមថាថ្ងៃណាមួយយើងអាចអបអរ។ គាត់បានលេងឱ្យក្រុម Tottenham និង Chelsea ហើយសង្ឃឹមថា យើងនឹងធ្វើបានយ៉ាងល្អក្នុងកិត្តិយសរបស់គាត់”។
គួររំលឹកថា លោក Greaves បានចាប់ផ្តើមអាជីពរបស់គាត់ជាមួយក្រុមតោខៀវ ហើយគ្រាប់បាល់៤១គ្រាប់របស់គាត់នៅឆ្នាំ១៩៦០-១៩៦១ នៅតែជាកំណត់ត្រាមួយរដូវកាលសម្រាប់ក្រុមតោខៀវ។ Greaves បានឈ្នះពានរង្វាន់ FA Cup ២ដង និងពានរង្វាន់អ្នកឈ្នះពានរង្វាន់មួយ និងបានស៊ុតបាល់បញ្ចូលទី២៦៦គ្រាប់ក្នុងការបង្ហាញខ្លួន៣៧៩លើកសម្រាប់ Spurs ដែលគាត់ត្រូវបានគេចាត់ទុកថាជាវីរបុរសរបស់ក្លិប។ លោកក៏ជាសមាជិកនៃក្រុមដែលឈ្នះពានរង្វាន់បាល់ទាត់ពិភពលោកឆ្នាំ១៩៦៦របស់ប្រទេសអង់គ្លេស និងបានស៊ុតបញ្ចូលទី៤៤គ្រាប់ក្នុងការបង្ហាញខ្លួនជាអន្តរជាតិចំនួន៥៧លើក ៕
ដោយ៖ ភារៈ(រូបភាព ៖ BBC Sport)
