សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ បេីតាមការបញ្ជាក់ពីលោកវរសេនីយ៍ទោ សោម ពុទ្ធតារា មេបញ្ជាការមូលដ្ឋានកងរាជអាវុធហត្ថស្រុកឱរ៉ាល់ បានឱ្យដឹងថា នៅព្រឹកថ្ងៃទី២១ ខែកញ្ញា ឆ្នាំ២០២១នេះថា៖ លោកបានដឹកនាំកម្លាំងជំនាញចាប់ឃាត់ខ្លួនបុរសម្នាក់ តាមដីការបស់តុលាការ បានធ្វើឡើងនៅក្នុងភូមិគោក ឃុំសង្កែសាទប ស្រុកឱរ៉ាល់។
លោកវរសេនីយ៍ទោ សោម ពុទ្ធតារា បានឱ្យដឹងទៀតថា ជនដែលត្រូវឃាត់ខ្លួននេះមានឈ្មោះ ណាក់ រីដា ភេទប្រុស អាយុ១៧ឆ្នាំ ជាតិខ្មែរ ទីកន្លែងកំណើត ភូមិច្រកទៀក ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ ទីលំនៅបច្ចុប្បន្ន ភូមិច្រកទៀក ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ តាមដីកាបង្គាប់ឱ្យចាប់ខ្លួន-ឃុំខ្លួន លេខ ៣៧៦ ដបច ចុះថ្ងៃទី៣១ ខែឧសភា ឆ្នាំ២០២១ របស់ចៅក្រមជំនុំជម្រះ ថៃ គឹមមុនី នៃសាលាដំបូងខេត្តកំពង់ស្ពឺ ។
បច្ចុប្បន្ន ជនខាងលេីនេះត្រូវបានបញ្ជូនទៅបញ្ជាការដ្ឋានខេត្តកំពង់ស្ពឺ ដេីម្បីចាត់ការបន្តតាមនីតិវិធី៕
ដោយ៖ សហការី
