សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បានរបួសធ្ងន់ត្រូវរថយន្តសាមុយដឹកបញ្ចូនទៅកាន់មន្ទីរពេទ្យភ្លាមៗ បន្ទាប់ពីជិះម៉ូតូតាមផ្លូវត្រូវរថយន្តToyota Prius បុកពីក្រោយ កាលពីវេលាម៉ោង២១ និង២៥នាទីយប់ ថ្ងៃទី២៣ ខែកញ្ញា ឆ្នាំ២០២១ នៅតាមបណ្ដោយផ្លូវ២១៧(ចំការដូង) ភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុបានឲ្យដឹងថា មុនកេីតហេតុនោះគឺ គេឃេីញបុរសម្នាក់ជិះម៉ូតូ Honda Click ពណ៌ក្រហម ពាក់ស្លាកលេខភ្នំពេញ 1CF-1146 ធ្វេីដំណេីរតាមបណ្ដោយផ្លូវ២១៧ ទិសដៅពីជេីងមកត្បូងក្នុងល្បឿនល្មម ខណៈមកដល់ចំណុចកេីតហេតុស្រាប់តែត្រូវរថយន្តម៉ាក Toyota Prius ពណ៌ទឹកមាស ពាក់ស្លាកលេខភ្នំពេញ 2BD-3100 បេីកបរដោយបុរសម្នាក់ធ្វេីដំណេីរស្របទិសគ្នាមកបុកពីក្រោយ បណ្ដាលឲ្យបុរសម្នាក់ភាគីខាងម៉ូតូរងរបួសធ្ងន់ ។ ភ្លាមៗប្រជាពលរដ្ឋបានទាក់ទងទៅរថយន្តសាមុយចុះមកដឹកជនរងគ្រោះទៅកាន់មន្ទីរពេទ្យដេីម្បីព្យាបាលរបួសផងដែរ ។
ក្រោយកេីតហេតុ សមត្ថកិច្ចមូលដ្ឋានបានចុះមកដល់ ហេីយជួយសម្រួលចរាចរណ៍ដល់អ្នកដំណេីរឆ្លងកាត់ ព្រមទាំងទាក់ទងទៅសមត្ថកិច្ចជំនាញចរាចរណ៍ខណ្ឌដង្កោ ឲ្យមកធ្វេីការវាស់វែងយករថយន្តនិងម៉ូតូទៅរក្សាទុកនៅអធិការដ្ឋាននគរបាលខណ្ឌដង្កោ រង់ចាំដោះស្រាយគ្នានាពេលក្រោយ ៕
ដោយ ៖ ភារ៉ា ដង្កោ
