សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ មនុស្សប្រុសស្រី៤នាក់បានរងរបួសធ្ងន់ស្រាលដោយករណីគ្រោះថ្នាក់ចរាចរណ៍រវាងម៉ូតូបើកបញ្ច្រាសទិសគ្នាយ៉ាងពេញទំហឹងលាន់សូរដូចរន្ទះបង្កការភ្ញាក់ផ្អើលដល់អ្នកភូមិនិងសមត្ថកិច្ចដឹកយកមកសង្គ្រោះនៅមន្ទីពេទ្យ។
ហេតុការណ៍នេះបានកើតឡើងកាលពីវេលាម៉ោង១និង១០នាទីរសៀលនៅថ្ងៃទី២៤ខែកញ្ញា ឆ្នាំ២០២១ ចំណុចភូមិត្រពាំងរុន ឃុំព្រះពន្លា ស្រុកកំពង់រោទិ៍ ខេត្តស្វាយរៀង។
សមត្ថកិច្ចនគរបាលស្រុកបានឱ្យដឹងថាអ្នកបើកម៉ូតូបង្កហេតុមានឈ្មោះឌឹម សេ ភេទប្រុស អាយុ ២៦ឆ្នាំ និងអ្នករួមដំណើរ ឈ្មោះ យៀ អាន ភេទស្រី អាយុ៤៥ឆ្នាំ មានទីលំនៅភូមិស្វាយ ឃុំសំឡីស្រុកកំពង់រោទិ៍ ខេត្តស្វាយរៀង ជិះម៉ូតូ ម៉ាក Honda Dream ផលិតឆ្នាំ២០១៥ ពណ៌ខ្មៅ ពាក់ស្លាកលេខ ភ្នំពេញ ១FA. ២១៥១ ខូចខាតយ៉ាងដំណំ។
ចំណែកភាគីរងគ្រោះអ្នកបើកម៉ូតូមិនត្រូវបានស្គាល់ឈ្មោះនោះទេបានរត់គេចខ្លួនបន្សល់តែអ្នករួមដំណើរឈ្មោះ កូវ ស្រីផង ភេទស្រី អាយុ១៦ឆ្នាំ មានទីលំនៅភូមិ សាមគ្គី ឃុំ ស្វាយតឿ ក្រុងស្វាយរៀង ខេត្តស្វាយរៀង។
តាមសាក្សីបានអោយដឹងថាមុនកើតហេតុមានម៉ូតូមួយគ្រឿងម៉ាក Honda Dream ផលិតឆ្នាំ២០១៥ ពណ៌ខ្មៅ ពាក់ស្លាកលេខ ភ្នំពេញ ១FA. ២១៥១ ជិះគ្នា២នាក់ ដោយមិនប្រកាន់ស្ដាំស្រាប់តែទៅបុកនិងម៉ូតូមួយគ្រឿងទៀតម៉ាក Honda Dream ផលិតឆ្នាំ ២០១៦ ពណ៌ខ្មៅ ពាក់ស្លាកលេខភ្នំពេញ ១FL. ២៤៣៧ក្នុងទិសដៅបញ្ច្រាសគ្នាយ៉ាងពេញទំហឹងសូរដូចរន្ទះបង្កការភ្ញាក់ផ្អើលដល់អ្នកភូមិនិងសមត្ថកិច្ចដឹកយកមកសង្គ្រោះនៅមន្ទីរពេទ្យ។
បច្ចុប្បន្ន សមត្ថកិច្ចបានវាស់វែងនិងអូសយកវត្ថុតាងម៉ូតូទាំងពីរគ្រឿងមករក្សាទុកនៅប៉ុស្តិ៍នគរបាលរដ្ឋបាល ព្រះពន្លា ដើម្បីដោះស្រាយពេលក្រោយតាមច្បាប់ ៕
ដោយ៖យឹម សុថាន
