សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បេីយោងតាមប្រភពព័ត៌មានពីអគ្គនាយកដ្ឋាន ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប) បានឱ្យដឹងនៅថ្ងៃសៅរ៍ទី១៨ ខែមិថុនា ឆ្នាំ២០២២នេះថា៖ មន្រ្តីជំនាញសាខា ក.ប.ប.បតាមបណ្ដាខេត្តមួយចំនួន បន្តរកឃើញដេប៉ូប្រេងឥន្ធនៈចំនួន៤ ទៀត ប្រកបអាជីវកម្មមិនសុចរិត។
ប្រភពដដែលបន្តថា ដើម្បីបន្តការពារផលប្រយោជន៍ប្រជាពលរដ្ឋ ដែលជាអ្នកប្រើប្រាស់ប្រេងឥន្ធនៈ មន្ត្រីសាខា ក.ប.ប. ខេត្តប៉ៃលិន ខេត្តព្រៃវែង ខេត្តកំពង់ចាម ខេត្តកំពង់ឆ្នាំង និងរាជធានីភ្នំពេញ បានអនុវត្តភារកិច្ចរបស់ខ្លួន ដោយធ្វើការត្រួតពិនិត្យតាមបណ្តាស្ថានីយ ដេប៉ូចែកចាយប្រេងឥន្ធនៈ ស្ថិតក្នុងស្រុកសាលាក្រៅនិងក្រុងប៉ៃលិន ខេត្តប៉ៃលិន ស្រុកពារាំង ខេត្តព្រៃវែង ស្រុកកងមាស ខេត្តកំពង់ចាម ស្រុកកំពង់ត្រឡាច ខេត្តកំពង់ឆ្នាំង និងភូមិសាស្ត្ររាជធានីភ្នំពេញ។
ជាលទ្ធផល មន្ត្រីជំនាញបានធ្វើការត្រួតពិនិត្យយ៉ាងយកចិត្តទុកដាក់លើស្ថានីយ ដេប៉ូប្រេងឥន្ធនៈបានសរុបចំនួន ២៥ទីតាំង ដោយក្នុងនោះដេប៉ូចំនួន៤ ត្រូវបានមន្ត្រីជំនាញរកឃើញថាបានប្រព្រឹត្តអំពើមិនសុចរិត ដោយធ្វើការបន្លំចំនួនលីត្រ ដូចនេះមន្ត្រីជំនាញបានរៀបចំវិធានការតាមនីតិវិធី៕
ដោយ៖សហការី
