សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ សមត្ថកិច្ចនគរបាលបានឃាត់ខ្លួនជនសង្ស័យម្នាក់ក្នុងករណីប៉ុនប៉ងរំលោភលើក្មេងស្រីមិនទាន់គ្រប់អាយុ ប៉ុន្តែមិនបានសម្រេចឡើយ ខណៈដែលបងស្រីក្មេងស្រីរងគ្រោះមកទាន់ពេល។
ការឃាត់ខ្លួនជនសង្ស័យនេះធ្វើឡើងកាលពីវេលាម៉ោង២និង៣០នាទីរសៀលថ្ងៃទី១៨ខែកក្កដាឆ្នាំ២០២២ ស្ថិតនៅភូមិពពារ ឃុំស្វាយធំ ស្រុកស្វាយជ្រំ ។
យោងតាមសមត្ថកិច្ចនគរបាលបានឱ្យដឹងថា ជនសង្ស័យមានឈ្មោះ ភិន ទឹម អាយុ៣៣ឆ្នាំ មុខរបរមិនពិតប្រាកដ រស់នៅភូមិពពារ ឃុំស្វាយធំ ស្រុកស្វាយជ្រំ ខណៈជនសង្ស័យមានសតិមិនប្រក្រតី។ ចំណែកក្មេងស្រីរងគ្រោះមានអាយុ១០ឆ្នាំ។
សមត្ថកិច្ចបានបញ្ជាក់ថា មុនកើតហេតុជនសង្ស័យបានលួងលោមក្មេងស្រីខាងលើដើរមកដល់ចំណុចស្រះទឹកក្នុងភូមិចាស់ខាងជើងផ្ទះរបស់ខ្លួនចម្ងាយ ប្រហែល៤ម៉ែត្រ ហើយក៏បានធ្វើសកម្មភាពចាប់រំលោភ ប៉ុន្តែត្រូវបានបងស្រីជនរងគ្រោះមកទាន់ក៏មានការភ្ញាក់ផ្អើលកើតឡើងតែម្ដង។
បច្ចុប្បន្នជនសង្ស័យត្រូវបានសមត្ថកិច្ចឃាត់ខ្លួននៅអធិការដ្ឋាននគរបាលស្រុកស្វាយជ្រំ ដើម្បីចាត់ការតាមច្បាប់៕
ដោយ៖យឹម សុថាន
