សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នៅមន្ទីរគណបក្សប្រជាជនកម្ពុជារាជធានីភ្នំពេញ នាព្រឹកថ្ងៃសៅរ៍ ទី ២៣ ខែ កក្កដា ឆ្នាំ ២០២២នេះ លោក ជិន ប៊ុនធឿន លេខាសម្តេចអគ្គមហាសេនាបតីតេជោ ហ៊ុន សែន, នាយករងរដ្ឋបាលសាលារាជធានីភ្នំពេញ និងជាប្រធានគណៈកម្មាធិការសាខាគណបក្ស ភព.៧ បានប្រជុំផ្សព្វផ្សាយខ្លឹមសារសន្និបាតគណៈកម្មាធិការកណ្តាលវិសាមញ្ញរបស់គណបក្សប្រជាជនកម្ពុជា ថ្ងៃទី ១៦- ១៧ ខែកក្កដា ឆ្នាំ២០២២ ជូនដល់លោក លោកស្រី ជាថ្នាក់ដឹកនាំ និងសមាជិក សមាជិកា សាខាគណបក្សភព.៧ សរុបចំនួន៥២នាក់ ។
សូមបញ្ជាក់ថា, មានប្រសាសន៍នាឱកាសនោះ លោក ជិន ប៊ុនធឿន បានពាំនាំនូវការផ្តាំផ្ញេីសាកសួរសុខទុក្ខពីលោក ឃួង ស្រេង ប្រធានគណៈកម្មាធិការគណបក្សរាជធានីភ្នំពេញ និងជាពិសេសពីសំណាក់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា ជូនដល់សមាជិក សមាជិកាទាំងអស់ ។ លោកប្រធានសាខាគណបក្សភព.៧ បានជម្រាបពីខ្លឹមសារសំខាន់ៗ និងលទ្ធផលនៃសន្និបាតរយៈពេលពីរថ្ងៃនេះ ដែលមានចក្ខុវិស័យ និងទស្សនវិស័យខ្ពស់ សម្រាប់ជាប្រទីបបំភ្លឺដល់សមាជិក សមាជិកាគណបក្សប្រជាជកម្ពុជាទាំងអស់ បន្តខិតខំបន្ថែមទៀត ក្នុងបុព្វហេតុ បម្រេីប្រជាពលរដ្ឋ ថែរក្សាសន្តិភាព និងការបន្តអភិវឌ្ឍន៍សង្គមជាតិឱ្យកាន់តែរីកចម្រេីនថែមទៀត ។ ទន្ទឹមនឹងនេះដែរ លោកប្រធានសាខាគណបក្សភព.៧ ក៏បាននូវចែករំលែកបទពិសោធន៍ ក៏ជាផ្តល់អនុសាសន៍ល្អ ដេីម្បីជាគោលគំនិតជូនដល់សមាជិក សមាជិកាទាំងអស់ ក្នុងការរៀបចំខ្លួនឱ្យក្លាយជាធនធានដ៏ល្អរបស់បក្ស ជាពិសេសត្រៀមលក្ខណៈឆ្ពោះទៅការរក្សាប្រៀបឈ្នះជូនគណបក្សប្រជាជនកម្ពុជា ក្នុងការបោះឆ្នោតជ្រេីសតាំងតំណាងរាស្ត្រ នាឆ្នាំ២០២៣ ខាងមុខនេះ ៕
ដោយ ៖ សិលា
