សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ត្រូវបានសមត្ថកិច្ចឃាត់ខ្លួនយកទៅសួរនាំកាលពីវេលាម៉ោង៣និង៣០នាទីទៀបភ្លឺ ឈានចូលថ្ងៃទី២៣ ខែកក្កដា ឆ្នាំ២០២២ នៅចំណុចផ្ទះសំណាក់៣ដុល្លារ ស្ថិតក្នុងសង្កាត់ចោមចៅទី១ ខណ្ឌពោធិ៍សែនជ័យ ដោយជាប់ពាក់ព័ន្ធករណីលួចយកម៉ូតូមិត្តភក្តិខ្លួន កាលយប់ថ្ងៃទី១៩ ខែកក្កដា ឆ្នាំ២០២២ នៅផ្ទះមិត្តភក្តិភូមិថ្មគោល២ សង្កាត់ចោមចៅទី២ ខណ្ឌពោធិ៍សែនជ័យ ។
ជនសង្ស័យឈ្មោះ អ៊ូ វ៉េង វិសាល ភេទប្រុសអាយុ២៣ឆ្នាំ មុខរបរបុគ្គលិកផ្ទះសំណាក់ ស្នាក់នៅភូមិកប់គង សង្កាត់ចោមចៅទី២ ខណ្ឌពោធិ៍សែនជ័យ ។
ចំណែកជនរងគ្រោះឈ្មោះ សុង បុណ្យ ភេទប្រុសអាយុ២៣ឆ្នាំ មុខរបរបុគ្គិលិកផ្ទះសំណាក់ ស្នាក់នៅក្នុងវត្តគោកបញ្ជាន់ ស្ថិតក្នុងភូមិចោមចៅ៣ សង្កាត់ចោមចៅទី២ ខណ្ឌពោធិ៍សែនជ័យ។
ម៉ូតូដែលជនសង្ស័យលួចយកទៅនោះម៉ាកហុងដាឌ្រីម ស៊េរីឆ្នាំ២០០៩ ពណ៌ខ្មៅ ពាក់ស្លាកលេខភ្នំពេញ1FS 0798 ។
តាមរបាយការណ៍សមត្ថកិច្ចបានឱ្យដឹងថា កាលពីយប់ថ្ងៃទី១៩ ខែកក្កដា ឆ្នាំ២០២២ ជនរងគ្រោះនិងជនសង្ស័យរួមទាំងមិត្តភក្តិម្នាក់ទៀតបាននាំគ្នាជិះម៉ូតូរបស់ជនរងគ្រោះដេីរលេងរហូតយប់ជ្រៅអត់មានកន្លែងដេកក៏នាំគ្នាទៅដេកផ្ទះមិត្តភក្តិនៅភូមិថ្មគោល២ សង្កាត់ចោមចៅទី២ លុះភ្លឺឡេីងក៏បាត់ម៉ូតូនិងជនសង្ស័យ មិនដឹងទៅណា។
ប្រភពដដែលបន្តថា ភ្លាមនោះជនរងគ្រោះមិនបានដាក់ពាក្យបណ្តឹងនោះទេដោយស្វែងយករហូតមកដល់វេលាម៉ោង៣និង៣០នាទីទៀបភ្លឺថ្ងៃទី២៣ ខែកក្កដា នេះទេីបប្រទះឃេីញជនសង្ស័យនៅផ្ទះសំណាក់៣ដុល្លារដែលស្ថិតនៅសង្កាត់ចោមចៅទី១ ខណ្ឌពោធិ៍សែនជ័យ ទេីបប្តឹងសមត្ថកិច្ចឃាត់ខ្លួនតែម្តង។ ដោយសារតែកន្លែងកេីតហេតុស្ថិតនៅក្នុងសង្កាត់ចោមចៅទី២ ទេីបសមត្ថកិច្ចប៉ុស្តិ៍នគរបាលចោមចៅទី១ ប្រគល់ទៅម្ចាស់ទឹកដីនាំយកទៅចាត់ការតាមច្បាប់៕
ដោយ៖សុខាសែនជ័យ
