សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បង្គោលភ្លើងនិងស្លាកចរាចរណ៍ចំនួន០២ដេីមបានបាក់រាបដល់ដី ដែលបង្កឡេីងដោយរថយន្តមួយគ្រឿងមកបុកទាំងកំរោល កាលពីវេលាម៉ោង១០និង៣០នាទីយប់ថ្ងៃចន្ទទី២៣ ខែមករា ឆ្នាំ២០២៣ ស្ថិតនៅតាមបណ្ដោយផ្លូវ៥០ម៉ែត្រក្នុងភូមិបារគូ សង្កាត់ដង្កោ ខណ្ឌដង្កោ។
តាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេឃើញបុរសម្នាក់សង្ស័យស្រវឹងស្រាបើករថយន្តស៊េរីទំនើបម៉ាកម៉ាស្ដា ពណ៌ស ពាក់ផ្លាកលេខភ្នំពេញ2BE- 7694 ធ្វើដំណើរក្នុងទិសដៅពីជើងទៅត្បូងបោះពួយយ៉ាងលឿន ខណៈមកដល់ចំណុចកើតហេតុខាងលើបានជ្រុលទៅបុកខឿនសួនច្បាររួចហើយហោះទៅបុកបង្គោលភ្លើងនិងស្លាកចរាចរណ៍បាក់រាបដល់ដី២ដើមធ្វើឱ្យរថយន្តកល់ជាប់ជាមួយបង្គោលភ្លើងទៅមុខលែងរួច តែសំណាងល្អដែរដែលមិនមានអ្នករបួស។
ក្រោយកើតហេតុ សមត្ថកិច្ចមូលដ្ឋាន បានសហការជាមួយមន្ត្រីជំនាញចរាចរណ៍ខណ្ឌដង្កោ ចុះមកធ្វេីការវាស់វែងស្ទូចយករថយន្តបង្កទៅរក្សាទុករង់ចាំឱ្យម្ចាស់រថយន្តចូលខ្លួនមកដោះស្រាយតាមផ្លូវច្បាប់៕
IMG_0425 IMG_0424 IMG_0426 IMG_0423 
ដោយ៖ ភារ៉ា ដង្កោ
