មេទ័ពអាមេរិក ៖ វត្ថុចម្លែកដែលត្រូវបានបាញ់ទម្លាក់គឺជារបស់មនុស្សក្រៅភព

ឧត្តមសេនីយ៍កងទ័ពអាកាសអាមេរិកម្នាក់ទទួលបន្ទុកដែនអាកាសអាមេរិកខាងជើងបាននិយាយកាលពីថ្ងៃទី១២ ខែកុម្ភៈថា គេមិនអាចបដិសេធបានទេថាវត្ថុដែលគេមិនស្គាល់អត្តសញ្ញាណដែលបានបាញ់ទម្លាក់នាពេលថ្មីៗនេះអាចមានប្រភពដើមពីភពក្រៅ។
ថ្លែងទៅកាន់សារព័ត៌មាន លោក VanHerck ប្រមុខនៃបញ្ជាការការពារដែនអាកាសអាមេរិកខាងជើង (NORAD) និងទីបញ្ជាការខាងជើងរបស់សហរដ្ឋអាមេរិកបាននិយាយថា “ខ្ញុំនឹងអនុញ្ញាតឱ្យសហគមន៍ស៊ើបការណ៍សម្ងាត់និងសហគមន៍ប្រឆាំងការស៊ើបការណ៍សម្ងាត់ស្វែងរកចម្លើយ ខ្ញុំមិនបដិសេធលទ្ធភាពណាមួយទេ»។
ឧត្តមសេនីយ VanHerck បានបន្ថែមថា “នៅពេលនេះយើងនៅតែវាយតម្លៃពីសក្តានុពលណាមួយ ការគំរាមកំហែងមិនស្គាល់អត្តសញ្ញាណ ខិតជិតដល់អាមេរិកខាងជើង ហើយកំពុងធ្វើការដើម្បីកំណត់អត្តសញ្ញាណការគំរាមកំហែងនោះ”។
មុននេះ ប្រភពពីសភាអាមេរិកបាននិយាយថា យោធាអាមេរិកបានបាញ់ទម្លាក់វត្ថុហោះហើរមិនស្គាល់អត្តសញ្ញាណមួយនៅលើបឹង Huron នៅរសៀលថ្ងៃទី១២ ខែកុម្ភៈ ម៉ោងក្នុងស្រុក ក្បែរព្រំដែនប្រទេសកាណាដា។ នេះជាលើកទី៣ហើយដែលអាមេរិកបាញ់ទម្លាក់វត្ថុបរទេសបន្ទាប់ពីមានចលនាស្រដៀងគ្នានេះនៅភាគខាងជើងប្រទេសកាណាដាកាលពីថ្ងៃទី១១ កុម្ភៈ និងនៅដែនអាកាសអាឡាស្កាកាលពីថ្ងៃទី១០ កុម្ភៈ ៕

ដោយ៖ ធីរីណា(ប្រភពរូបថត៖ VOV.VN)