សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ការចរាចរណ៍ពីខេត្តព្រះសីហនុ មកកាន់ភ្នំពេញត្រូវបានអាជ្ញាធរមានសមត្ថកិច្ចប្រកាសណែនាំឲ្យផ្អាកទាំងស្រុងដោយសារតែជំនន់ទឹកភ្លៀងហូរកាត់យ៉ាងសាហាវ ។
សេចក្តីរាយការណ៍ថា នៅវេលាម៉ោង៩និង១០នាទីព្រឹក ថ្ងៃអង្គារ ៥កើត ខែទុតិយាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៧ ខែកក្កដា ឆ្នាំ២០១៨ អាជ្ញាធរខេត្តព្រះសីហនុបានបិទការចរាចរទាំងស្រុង មិនថា តាមឡានធុនធំ ឬធុនតួចឡើយ មិនឲ្យមានឆ្លងកាត់ផ្លូវជាតិលេខ៤ ចំណុចឃុំវាលរេញ ស្រុកព្រៃនប់ ខេត្តព្រះសីហនុ ហើយបងប្អូនអ្នកធ្វើដំណើរចាំបាច់ត្រូវតែវាងទៅកាន់កំពត ឡើងតាមផ្លូវជាតិលេខ៣វិញ ។ ពីព្រោះចំណុចនេះទឹកហូរកាត់ផ្លូវកាន់តែខ្លាំង ។
អាជ្ញាធរប្រកាសបែបនេះដើម្បីបញ្ចៀសកុំឲ្យមានគ្រោះថ្នាក់ជាយថាហេតុ ៕ ឆ្លាម សមុទ្រ
