ឃាត់ខ្លួនជនសង្ស័យម្នាក់ក្នុងចំណូម២នាក់ និងថ្នាំញៀន១កញ្ចប់តូច

ភ្នំពេញ ៖ ជនសង្ស័យម្នាក់ ក្នុងចំណូមគ្នា២នាក់ ត្រូវកម្លាំងអន្តរាគមន៍ រាជធានី សហការជាមួយនគរបាលប៉ុស្តិ៍ទឹកថ្លាឃាត់ខ្លួន បន្ទាប់ពីរូបគេបានរក្សាទុកនៅសារធាតុញៀននៅជាប់ខ្លួន កាលពីវេលាម៉ោង០៩និង៣០នាទីព្រឹក ថ្ងៃទី២៩ ខែសីហា ឆ្នាំ២០១៦ តាមបណ្តោយផ្លូវដីថ្មី ភូមិដីថ្មី សង្កាភ្នំពេញថ្មី ខណ្ឌសែនសុខ ។

ជនសង្ស័យដែលឃាត់ខ្លួនមានឈ្មោះ យ៉ង់ ពីសិដ្ឋ ភេទប្រុសអាយុ២១ឆ្នាំ មុខរបរបើកបរស្នាក់នៅម្តុំច្បារអំពៅ ខណ្ឌច្បារអំពៅ និងមានស្រុកកំណើតភូមិដង្កូល ឃុំស្វាយទង ស្រុកស្វាយរៀង ខេត្ត ស្វាយរៀង។ ចំណែកបក្ខពួកម្នាក់ទៀតរត់គេចខ្លួនបាត់។

ប្រភពពីសមត្ថកិច្ចបានអោយដឹងថា មុននឹងឃាត់ខ្លួនជនសង្ស័យខាងលើគឺកំលាំងអន្តរាគមន៍ បានល្បាតក្នុងមូលដ្ឋានដើម្បីទប់ស្កាត់បទល្មើសផ្សេងហើយក៍ឃើញជនសង្ស័យ២នាក់បានជិះម៉ូតូ១គ្រឿងម៉ាកស្មាស់រ៉េវ៉ូពណ៍ក្រហម ពាក់ស្លាកលេខតាកែវ 1B.2772 ក្នុងទិសដៅពីត្បូងទៅជើងតាមបណ្តោយផ្លូវ៥៩៨ពេលនោះសមត្ថកិច្ចសង្ស័យក៍ហៅអោយឈប់តែជនសង្ស័យមិនព្រមឈប់ក៍ជិះរត់មកដល់ចំណុចផ្លូវដីថ្មីទើបឃាត់ខ្លួនបានហើយធ្វើការឆែកឆេរកឃើញថ្នាំញៀនចំនួន១កញ្ចប់ថង់តូចនៅក្នុងហោប៉ៅទើបឃាត់ខ្លួនយកមកធ្វើការសាកសួរនៅប៉ុស្តិ៍នគរបាលរដ្ឋាលភ្នំពេញថ្មីដោយឡែកបក្ខពួកម្នាក់ទៀតចុះរត់គេចខ្លួនបាត់។

នៅចំពោះមុខសមត្ថកិច្ចជនសង្ស័យបានឆ្លើយសារភាពថា ថ្នាំញៀននេះពិតជារបស់ខ្លួនពិតប្រាកដមែន ដោយគេបានទិញពីម្តុំមុខមន្ទីរពេទ្យលោកសង្ឃក្នុងតំលៃ១មុឺនរៀលដើម្បីយកទៅប្រើប្រាស់ ។

បច្ចុប្បន្នជនសង្ស័យរួមនឹងវត្ថុតាងកំពង់ឃាត់ខ្លួននៅអធិការដ្ឋាននគរបាលខណ្ឌសែនសុខដើម្បីចាត់ការតាមផ្លូវច្បាប់  ៕ តុង សីហា