កងរាជអាវុធហត្ថស្រុកបារាយណ៍ឃាត់ខ្លួនជនសង្ស័យម្នាក់ លក់ និងប្រើប្រាស់គ្រឿងញៀន

ខេត្តកំពង់ធំ៖ សមត្ថកិច្ចកងរាជអាវុធហត្ថស្រុកបានឃាត់ខ្លួនជនសង្ស័យម្នាក់លក់ និងប្រើប្រាស់គ្រឿងញៀន កាលពីវេលាម៉ោង៧យប់ ថ្ងៃទី៨ ខែតុលា ឆ្នាំ២០១៦ ដោយប្រើប្រាស់កម្លាំងអាវុធហត្ថស្រុកបារាយណ៍ ក្រោមការដឹកនាំពីលោកមេបញ្ជាការអហស្រុក ចុះបង្ក្រាបករណីចែកចាយគ្រឿងញៀននៅចំណុចភូមិចតុលោកឃុំបារាយណ៌ស្រុកបារាយណ៌ខេត្តកំពង់ធំ។

តាមប្រភពព័ត៌មានពីសមត្ថកិច្ចបានឲ្យដឹងថា ជនសង្ស័យឈ្មោះ សាយ សី ភេទប្រុស អាយុ34ឆ្នាំ រស់នៅភូមិឃុំខាងលើ ។

សមត្ថកិច្ចបានរឹបអូសភស្តុតាងថ្នាំញៀន2កញ្ចប់តូច ទូរស័ព្ទ១គ្រឿង និងម៉ូតូ១គ្រឿង ម៉ាកC100 កូរ៉េ ពណ៍ក្រហម គ្មានស្លាកលេខ ដើម្បីកសាងសំណុំរឿងបញ្ជូនទៅទីស្នាក់ការកងរាជអាវុធហត្ថខេត្តខេត្តកំពង់ធំដើម្បីបន្តនីតិវិធី ៕ ប៊ុន រិទ្ធី