រថយន្តបែនដឹកថ្ម១គ្រឿងសង្ស័យគាំងចង្កូតជ្រុលធ្លាក់ចូលក្នុងប្រឡាយ

ភ្នំពេញ៖ រថយន្តបែនដឹកថ្ម១គ្រឿងសង្ស័យគាំងចង្កូតជ្រុលធ្លាក់ចូលក្នុងប្រឡាយ សំណាងល្អអ្នកបើកបរមិនរងរបួសហេតុការណ៍នេះបានកើតឡើងកាលពីវេលាម៉ោង១និង៣០នាទីរសៀលថ្ងៃទី៧ខែធ្នូឆ្នាំ២០១៦តាមបណ្តោផ្លូវបេតុង ភូមិសំរោង សង្កាត់ឃ្មួញ ខណ្ឌសែនសុខ។

ប្រភពពីកន្លែងកើតហេតុបានអោយដឹងថា មុនពេលកើតហេតុ គេឃើញមានរថយន្តបែន១គ្រឿង ព័ណ៌សពាក់ស្លាកលេខភ្នំពេញ3D.7161ក្នុងទិសដៅពីកើតទៅលិចលុះមកដល់ចំណុចកើតហេតុជិតមណ្ឌលបន្សាបគ្រឿងញៀនឱកាលខ្ញុំស្រាប់រថយន្តនោះបានរ៉េចង្កូតទៅខាងឆ្វេងដៃធ្លាក់ក្នុងប្រឡាយទឹកតែម្តងហើយក៍ឃើញអ្នកបើកបរលូនចេញពីក្នុងរថយន្តប៉ុន្តែមិនមានរបួសទេ។

ប្រភពពីពីបុរសម្នាក់ឈ្មោះ ម៉ុន សុភស្ស អាយុ២៤ឆ្នាំស្នាក់នៅភូមិព្រៃទើ ឃុំព្រៃងៀត ស្រុកគងពីសី ខេត្តកពង់ស្ពឺ ដែលជាអ្នកបើកបរបានអោយដឹងថារូបគាត់បានបើករថយន្ត១គ្រឿងខាងលើដោយដឹកថ្មយកទៅអោយមូយក្រោយមកក៍បើកត្រឡលប់រកកន្លែងចាក់សាំងស្រាប់តែមកដល់កន្លែងកើតហេតុស្រាប់តែរថយន្តរដែលគាត់កំពង់បើកបរនោះបានគាំងចង្កូតរ៉េធ្លាក់ទៅក្នុងប្រឡាយតែម្តង។

ក្រោយកើតហេតុអ្នកបើកបរបានទាក់ទងហៅរថយន្តស្ទួចមកស្ទួចយកទៅជុសជុលដោយខ្លួនឯង៕ តុង សីហា