សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងល្បាតរបស់នគរបាលប៉ុស្តិ៍ រដ្ឋបាលផ្សារដេប៉ូទី២ ខណ្ឌទួលគោក បានឃាត់ខ្លួន ជនសង្ស័យចំនួន ០៣នាក់ជាក់ស្តែង ( ០១នាក់រក្សាទុក និង០២នាក់ ប្រើប្រាសមដោយខុសច្បាប់នូវសារធាតុ ញៀន ) កាលពីវេលាម៉ោង ២និង៣៥ នាទីរំលងអធ្រាត្រ ឈានចូលថ្ងៃទី២១ ខែមករា ឆ្នាំ២០១៧ នៅចំណុចមុខផ្ទះលេខ១៩សេអឺ០ ផ្លូវលេខ ១៥០ ក្រុមទី៣៦ ភូមិ១០ សង្កាត់ផ្សារដេប៉ូទី២ ខណ្ឌ ទួលគោក រាជធានីភ្នំពេញ ។
ជនសង្ស័យ ១-ឈ្មោះ គៀត គូ ហៅ ទូ ភេទប្រុស អាយុ ២៩ឆ្នាំ ជនជាតិខ្មែរ មុខរបរ ពុំពិតប្រាកដ ស្នាក់នៅផ្ទះលេខ ៦៥បេអឺ១ ផ្លូវលេខ២២៥ ក្រុមទី៣១ ភូមិ១១ សង្កាត់ ផ្សារដេប៉ូទី១ ខណ្ឌទួលគោក ( ម្ចាស់គ្រឿងញៀន ជាអ្នករក្សាទុក ) ។ ២-ឈ្មោះ អៀង ដារ៉ូ ភេទប្រុស អាយុ ២៥ឆ្នាំ ជនជាតិ ខ្មែរ មុខរបរ ពុំពិតប្រាកដ ស្នាក់នៅផ្ទះលេខ១៥អឺ០ ផ្លួវ លេខ១៩៦ សង្កាត់វាលវង់ ខណ្ឌ៧មករា រាជធានីភ្នំពេញ ( ជាអ្នកប្រើប្រាស់) ។ ៣-ឈ្មោះ ប៊ុន ខេម ហៅ ខេម ភេទប្រុស អាយុ ២៦ឆ្នាំ ជនជាតិខ្មែរ មុខរបរ ពុំពិតប្រាកដ ស្នាក់នៅក្នុង ឡនំប៉័ង ផ្លូវលេខ២២១ សង្កាត់ផ្សារដេប៉ូទី១ ខណ្ឌទួល គោក រាជធានីភ្នំពេញ ( ជាអ្នកប្រើប្រាស់) ។ វត្ថុតាងដែលបានចាប់យក ៖ ក្រាមពណ៌សថ្លា ០១ កញ្ចប់តូច ( សង្ស័យជាគ្រឿងញៀន ) ។
បច្ចុប្បន្នជនសង្ស័យទាំង០៣នាក់ខាងលើ កំពុង ឃាត់ខ្លួនជាបណ្តោះអាសន្ននៅអធិការដ្ឋាននគរបាល ខណ្ឌទួលគោក ដើម្បីសាកសួរ និងកសាងសំណុំរឿង បញ្ជូនទៅតុលាការ ចាត់ការតាមផ្លូវច្បាប់ ៕ ស តារា
