សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅថ្ងៃទី៣១ ខែមករា ឆ្នាំ២០១៧ វេលាម៉ោងប្រហែល៣រំលងអាធ្រាត្រ កំលាំងនគរបាលប៉ុស្តិ៍រដ្ឋបាលផ្សារដេប៉ូទី៣ ខណ្ឌទួលគោក រាជធានីភ្នំពេញ បានធ្វើការឃាត់ខ្លួនជនសង្ស័យ០១នាក់ជាក់ស្ដែង ពីបទ លួចមានស្ថានទម្ងន់ទោសដោយសារការគាស់ទម្លុះទម្លាយ ( គាស់ផ្ទះយកម៉ូតូ ) ប្រព្រឹត្តនៅចំណុចផ្ទះលេខ៥៣ DEo ផ្លូវលេខ១២២ ក្រុមទី៣៦ ភូមិ ៩ សង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ ។
ជនសង្ស័យ ឈ្មោះ ម៉ែន ផានិត ហៅ ជា ភេទប្រុស អាយុ២៧ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះជួលលេខ៩ ផ្លូវ រថភ្លើង សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ មានស្រុកកំណើត ស្រុកកណ្ដាលស្ទឹង ខេត្តកណ្ដាល ។
វត្ថុតាងចាប់យកមាន: -ម៉ូតូមួយគ្រឿងម៉ាក Suzuki let ពណ៌ស អត់ស្លាកលេខ ដែលមានលេខតួ : 409167 និង លេខម៉ាសុីន: 409225 ។ ចាប់យកពីឈ្មោះ ម៉ែន ផានិត ( ជាម៉ូតូរបស់ជនរងគ្រោះឈ្មោះ វ៉ាន់ ស្រីនាង បានធ្វើការប្រគល់ឲ្យជនរងគ្រោះវិញ ) ។ ជនរងគ្រោះចំនួន០៣នាក់ ១-ឈ្មោះ វ៉ាន់ ស្រីនាង ភេទស្រី អាយុ២០ឆ្នាំ ជនជាតិខ្មែរ មុខរបរ និស្សិត ស្នាក់នៅផ្ទះជួលលេខ៥៣ DE2 ផ្លូវ១២២ក្រុម៣៦ ភូមិ៩ សង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ ។ ២-ឈ្មោះ អ៊ុំ វណ្ណរដ្ឋា ភេទប្រុស អាយុ២៦ ឆ្នាំ ជនជាតិខ្មែរ មុខរបរ លក់កាម៉េរ៉ាសុវត្ថិភាព ស្នាក់នៅផ្ទះជួលលេខ ៥៣ DE2 ផ្លូវ១២២ ក្រុមទី៣៦ ភូមិ៩ សង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ ។ ៣-ឈ្មោះ ជា សុជាតិ ភេទប្រុស អាយុ៣២ ឆ្នាំជនជាតិខ្មែរ មុខរបរ លក់គ្រឿងអេឡិចត្រូនិច ស្នាក់នៅផ្ទះជួលលេខ៥៣ DE2 ផ្លូវ១២២ ក្រុមទី៣៦ ភូមិ៩ សង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ ។ សំភារ:បាត់បង់មាន -ម៉ូតូមួយគ្រឿងម៉ាក Suzuki let ពណ៌សពាក់ស្លាកលេខ ភ្នំពេញ 1CU-0011 ដែលមានលេខតួ : 405665 និងលេខម៉ាសុីន : 405679 ( ជាម៉ូតូជនរងគ្រោះ ជា សុជាតិ ) -ម៉ូតូម៉ាក Suzuki Smash 110 ពណ៌ក្រហម ខ្មៅ ពាក់ស្លាកលេខ ភ្នំពេញ 1CY-6795 ដែលមានតួ និងលេខម៉ាសុីន : 139934(ជាម៉ូតូជនរងគ្រោះ ឈ្មោះ អ៊ុំ វណ្ណរដ្ឋា ) ។
មុនពេលកើតហេតុជនរងគ្រោះ ទាំង០៣នាក់បានចេញពីធ្វើការហើយបានយកម៉ូតូខាងលើមកចតទុកនៅខាងក្រោមផ្ទះលេខ៥៣DEo ហើយបានចាក់សោរកម៉ូតូត្រឹមត្រូវ រួចឡើងទៅលើផ្ទះជាន់ទី២ សំរាក រហូតដល់ម៉ោងប្រហែល ៣ : ០០នាទី រំលងអាធ្រាត្រ ស្រាប់តែជនសង្ស័យឈ្មោះ ម៉ែន ផានិត រួមទាំងបក្សពួកបានធ្វើសកម្មភាពលួចគាស់ផ្ទះយកម៉ូតូចំនួន០៣គ្រឿង ហើយគេចខ្លួន ក៏ត្រូវកំលាំងសមត្ថកិច្ចនគរបាលប៉ុស្តិ៍រដ្ឋបាលផ្សារដេប៉ូទី៣ ធ្វើការឃាត់ខ្លួនជនសង្ស័យបាន០១នាក់ជាក់ស្ដែងឈ្មោះ ម៉ែន ផានិត រួមទាំងចាប់យកវត្ថុតាងម៉ូតូ បាន០១គ្រឿងម៉ាក Suzuki let ជាម៉ូតូរបស់ជនរងគ្រោះ ឈ្មោះ វ៉ាន់ ស្រីនាង មកកាន់ទីស្នាក់ការប៉ុស្តិ៍នគរបាលរដ្ឋបាលផ្សារដេប៉ូទី៣ តែម្ដង ចំណែកបក្សពួកបានយកម៉ូតូ០២គ្រឿងរបស់ជនរងគ្រោះ គេចខ្លួនបាត់ ។
បច្ចុប្បន្ន ជនសង្ស័យកំពុងឃាត់ខ្លួនជាបណ្ដោះ អាសន្ននៅអធិការដ្ឋាននគរបាលខណ្ឌទួលគោក រាជធានីភ្នំពេញ ដើម្បីសាកសួរ កសាងសំណុំរឿង និងបញ្ជូនជនសង្ស័យទៅសាលាដំបូងរាជធានីភ្នំពេញ ចាត់ការតាមផ្លូវច្បាប់ ៕ ស តារា
