សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងនគរបាលអន្តោប្រវេសន៍ក្រសួងមហាផ្ទៃ នៅថ្ងៃទី១៥ ខែកុម្ភៈ បានបញ្ជូនជនជាតិអង់គ្លេសម្នាក់មកអយ្យការអមសាលាដំបូងរាជធានីភ្នំពេញ ដើម្បីសាកសួរករណីបាញ់សម្លាប់ពាណិជ្ជករម្នាក់នៅប្រទេសថៃ រួចបានគេចខ្លួនមកកម្ពុជា ។
លោក លី សុផាណា អ្នកនាំពាក្យអយ្យការអមសាលាដំបូងរាជធានីភ្នំពេញ បញ្ជាក់កាលពីរសៀលថ្ងៃទី១៥ ខែកុម្ភៈ តាមបណ្ដាញសង្គម Telegram ថា លោក សៀង សុខ ជាព្រះរាជអាជ្ញារងទទួលចាត់ការលើសំណុំរឿងដែលបញ្ជូនមកពីអគ្គនាយកដ្ឋានអន្តោប្រវេសន៍ ដែលមានជនសង្ស័យឈ្មោះ NELHAMS TOBY JAMIE ជនជាតិអង់គ្លេស អាយុ ៤៥ឆ្នាំ ។
លោក សុផាណា បន្ថែមថា មកដល់ពេលនេះ តំណាងអយ្យការកំពុងពិនិត្យឯកសារ ភស្តុតាង និងសួរចម្លើយជនសង្ស័យ ៕ ចេស្តា
