បុរសជនជាតិអាមេរិកម្នាក់ដេកស្លាប់ក្នុងសណ្ឋាគារព្រីនឌឹអង្គរ

ខេត្តសៀមរាប ៖ កាលពីវេលាម៉ោង៤និង២៤នាទី ថ្ងៃទី៤ ខែមេសា ឆ្នាំ២០១៧ មានហេតុការណ៍គួរឲ្យភ្ញាក់ផ្អើល ដោយសារបុរសជនជាតិអាមេរិចកាំងម្នាក់ដេកស្លាប់នៅជាន់ទី១ ក្នុងសណ្ឋាគារព្រីនឌឹអង្គរ ក្រុមទី១ភូមិ មណ្ឌល២ សង្កាត់ ស្វាយដង្គំ ក្រុងសៀមរាប ខេត្តសៀមរាប ។

តាបប្រភពព័ត៌មានពីសមត្ថកិច្ច បានឲ្យដឹងថា ជនរងគ្រោះឈ្មោះ Lock Hart james Hatfield ភេទប្រុស អាយុ៣៦ ឆ្នាំជនជាតិអាមេរិក កាន់លិខិតឆ្លងដែនលេខ 447822747 ភ្ញៀវអន្តោប្រវេសន៍ ស្នាក់នៅក្រុងភ្នំពេញ ចូលមកស្នាក់នៅថ្ងៃទី២៩ ខែមីនា ឆ្នាំ២០១៧ ។

ក្រោយពីសមត្ថកិច្ចធ្វើកុសល្យវិច័យរួចបានសន្និដ្ឋានថា ជនរងគ្រោះស្លាប់បណ្ដាលមកពីខ្យល់គរ ពុំមានស្លាកស្នាមអ្វីក្រៅពីនេះឡើយ ។ បច្ចប្បន្នសាកសព ត្រូវបានដឹកយកទៅស្ថានទូតអាមេរិកនៅក្រុងភ្នំពេញកាលពីព្រឹកថ្ងៃទី៥ ខែមេសា ឆ្នាំ២០១៧ ៕ ប៊ុនរិទ្ធី