សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ របាយការណ៍សមត្ថកិច្ចបានឲ្យដឹងថា មានករណីគ្រោះធម្មជាតិខ្យល់កន្ត្រាក់ និងរន្ទះបាញ់ប៉ះពាល់៥៥ឃុំក្នុងស្រុកបារាយណ៍ ខេត្តកំពង់ធំ កាលពីល្ងាចថ្ងៃទី២២ ខែមេសា ឆ្នាំ២០១៧ ។
ប្រភពបន្តថា ទី១ ឃុំឈូកខ្សាច់ រលំផ្ទះទាំងស្រុងចំនួន៥ខ្នង របើកដំបូលទាំងស្រុងចំនួន៣ខ្នង ប៉ះពាល់បន្តិចបន្ទួច១៦ខ្នង រន្ទះបាញ់មនុស្ស២នាក់(របួសធ្ងន់) និងងាប់សត្វគោ២ក្បាល ជនរងគ្រោះបញ្ជូនទៅពេទ្យឃុំ។
ទី ២ ឃុំគគីធំ ប៉ះពាល់បន្តិចបន្តួចលំនៅឋានពលរដ្ឋចំនួន១៣ខ្នង ។
ទី ៣ ឃុំអណ្ដូងពោធិ ប៉ះពាល់បន្តិចបន្តួចលំនៅឋានពលរដ្ឋចំនួន០៥ខ្នង។
ទី ៤ ឃុំទ្រៀលប៉ះពាល់បន្តិចបន្តួចផ្ទះចំនួន១១ខ្នង ។
ទី៥ ឃុំបល្ល័ង្ក រន្ទះបាញ់មនុស្សស្លាប់០១នាក់ ឈ្មោះយ៉ាន់ ផាត ភេទប្រុសអាយុ៥១ឆ្នាំ នៅភូមិដូនដួង ឃុំបល្ល័ង្ក ស្រុកបារាយណ៌ មូលហេតុទៅខ្វៀលគោពេលភ្លៀង ។
សរុបករណីគ្រោះធម្មជាតិខាងលើនេះបណ្តាលឲ្យខូចខាតរលំផ្ទះ៥ខ្នង និងរបើកដំបូល៣ខ្នង និងប៉ះពាល់បន្តិចបន្តួចចំនួន៤៥ខ្នង ស្លាប់មនុស្ស១នាក់ របួសមនុស្ស២នាក់ និងងាប់សត្វគោ២ក្បាល ៕ ប៊ុនរិទ្ធី
