សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នៅថ្ងៃទី០១ ខែមិថុនា ឆ្នាំ២០១៧ វេលាម៉ោង ២១: ១០នាទី កំលាំងល្បាតរបស់នគរបាលប៉ុស្តរដ្ឋបាលទឹក ល្អក់ទី៣ ខណ្ឌទួលគោក បានឃាត់ខ្លួនជនសង្ស័យ ០២នាក់ជាក់ស្តែង ពីបទលួច ( ឆក់កាបូប ) កើតហេតុ នៅចំណុចស្តុបផ្លូវលេខ២៧១ កែងផ្លូវលេខ១៨២ ក្រុម ទី២៨ ភូមិ១០ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ ។
ជនសង្ស័យ ១-ឈ្មោះ ម៉ី វុត្ថា ហៅ ថា ភេទប្រុស អាយុ ១៥ឆ្នាំ ជន ជាតិខ្មែរ មុខរបរ ពុំពិតប្រាកដ ស្នាក់នៅជួលគ្មានលេខ ប្លុកវិឡា៥៦ ផ្លូវលេខ៥៩២ សង្កាត់បឹងកក់ទី២ ខណ្ឌ ទួលគោក រាជធានីភ្នំពេញ ។ ២-ឈ្មោះ ប្រាក់ វុត្ថានីន ហៅ លីន ភេទស្រី អាយុ ១៦ ឆ្នាំ ជនជាតិខ្មែរ មុខរបរ ពុំពិតប្រាកដ ស្នាក់នៅផ្ទះគ្មាន លេខ ផ្លូវឧកញ៉ាម៉ុង ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
ជនរងគ្រោះឈ្មោះ ហួរ ស្រីមុំ ភេទស្រី អាយុ ២០ឆ្នាំ ជនជាតិខ្មែរ មុខរបរ បុគ្គលិកខារ៉ាអូខេផាតធីវើល ស្នាក់ នៅផ្ទះលេខ២៧ ផ្លូវលេខបេតេ២ ភូមិត្នោតជ្រុំ៤ សង្កាត់ បឹងទំពុន ខណ្ឌមានជ័យ រាជធានីភ្នំពេញ ។
វត្ថុតាងដែលបានចាប់យក ៖ កាបូបស្ពាយមួយពណ៌ទឹកមាស ក្នុងកាបូបមានលុយ ១៥.០០០៛ ( មួយម៉ឺនប្រាំពាន់រៀល )និងគ្រឿងសំអាង ( បានប្រគល់ឲ្យយជនរងគ្រោះវិញ ) ។
ម៉ូតូមួយគ្រឿងម៉ាក Suzuki Nex ពណ៌សលាយខ្មៅ មានលេខម៉ាស៊ីន 325916 ( ជាម៉ូតូដែលជនសង្ស័យ ជិះធ្វើសកម្មភាព ) ។
ប្រពភព័ត៌មានពីមន្រ្តីនគរបាលមូលដ្ឋាន បានឲ្យដឹងថា នៅថ្ងៃទី០១ ខែមិថុនា ឆ្នាំ២០១៧ វេលាម៉ោងប្រហែល ២១និង១០នាទី យប់ជនរងគ្រោះបានជិះ ម៉ូតូម៉ាក Honda Today ពណ៌ស ពាក់ស្លាកលេខភ្នំ ពេញ 1CP-6016 ធ្វើដំណើរតាមផ្លូវលេខ២៧១ ទិស ដៅពីភ្បូងមកជើង ដោយបានដាក់កាបូបស្ពាយព្យួរជាប់ កន្លែងជាន់ជើង ពេលមកដល់ចំណុចកើតហេតុ ស្រាប់ តែជនសង្ស័យទាំងពីរនាក់ជិះម៉ូតូតាមពីក្រោយ ហើយ បានអែបទន្ទឹមខាងស្តាំ ធ្វើសកម្មភាពឆក់យកកាបូបជន រងគ្រោះបានសម្រេច ហើយជិះម៉ូតូគេចខ្លួនតាមផ្លូវលេខ ១៨២ មកទិសខាងកើត ដោយជនរងគ្រោះបានជិះមូតូ ដេញតាមពីក្រោយ ព្រមទាំងស្រែកចោរៗ ពេលនោះ មានអ្នកដំណើរបានជិះដេញតាម រហូតដល់មុខខារ៉ាអូ ខេនគរសំរិទ្ធ បានស្ទាក់ឃាត់ជនសង្ស័យទាំងពីរនាក់ បាន ហើយប្រគល់ឲ្យយសមត្ថកិច្ចតែម្តង ។
បច្ចុប្បន្នជនសង្សឹយទាំងពីរនាក់ កំពុងឃាត់ខ្លួនជា បណ្តោះអាសន្ននៅអធិការដ្ឋាននគរបាលខណ្ឌទួល គោក ដើម្បីសាកសួរ និងកសាងសំណុំរឿងបញ្ជូនទៅ សាលាដំបូងរាជធានីភ្នំពេញ ចាត់ការតាមផ្លូវច្បាប់ ៕ ស ដារា
