ឃាត់ខ្លួន២នាក់ប្តីប្រពន្ធជាមួយថ្នាំញៀន២៣កញ្ចប់

ភ្នំពេញ៖ សមត្ថកិច្ចខណ្ឌសែនសុខបានឃាត់ខ្លួនជនសង្ស័យពីរនាក់ប្តីប្រពន្ធ រួមជាមួយវត្ថុតាំងថ្នាំញៀន២២កញ្ចប់តូច ១កញ្ចប់ធំ ជញ្ជីងថ្លឹងមួយ និងឧបករណ៍ប្រើប្រាស់មួយចំនួនដើម្បីកសាងសំណុំរឿងបញ្ជូនទៅតុលាការ ។

សមត្ថកិច្ចបញ្ជាក់ថា មុនឈានដល់ឃាត់ខ្លួន សមត្ថកិច្ចបានស្រាវជ្រាវជាយូរមកហើយតាមជំនាញរបស់សមត្ថកិច្ច លុះមកដល់វេលាម៉ោង៨និង៣០នាទីព្រឹក ថ្ងៃទី១៣ ខែកក្កដា ឆ្នាំ២០១៧ សមត្ថកិច្ចបានចូលឆេកឆេរក្នុងបន្ទប់ជួលជនសង្ស័យខាងលើស្ថិតនៅភូមិបន្លាស្អិត សង្កាត់ឃ្មួញ ខណ្ឌសែនសុខ រាជធានីភ្នំពេញ រកឃើញវត្ថុតាំង ក៏ឃាត់ខ្លួនសង្ស័យតែម្តង ៕ តុង សីហា