សារព័ត៌មាន នគរវត្ត តែងតែនាំមុខគេជានិច្ច
ភ្នំពេញៈ កាលពីរសៀលថ្ងៃទី៣០ ខែកក្កដា ឆ្នាំ២០១៧ នៅត្រង់ចំណុចផ្លូវលំ ក្រុម១ ភូមិស្វាយប៉ាក សង្កាត់ស្វាយប៉ាក និងនៅចំណុចបន្ទប់ជួលលេខ១ និងលេខ២B លើផ្លូវរថភ្លើង ស្ថិតក្នុងក្រុម១៧ ភូមិដើមខ្វិត និងភូមិចុងខ្សាច់ សង្កាត់ទួលសង្កែ ខណ្ឌឫស្សីកែវ កម្លាំងនគរបាលប៉ុស្ដិ៍ស្វាយប៉ាក និងកម្លាំនគរបាលប៉ុស្ដិ៍ប៉ុស្ដិ៍ទួលសង្កែ បានចុះបង្ក្រាបគ្រឿងញៀន៣គោលដៅផ្សេងគ្នា និងឃាត់ខ្លួនជនសង្ស័យ៤នាក់ និងដកហូតបានថ្នាំញៀន៦កញ្ចប់ធំ ដាវកែច្នៃ២ដើមព្រមទាំង សម្ភារប្រើប្រាស់មួយចំនួន ។
មន្ត្រីនគរបាលប៉ុស្តិទួលសង្កែបានឲ្យដឹងថា ជនសង្ស័យទាំង៤នាក់ ទី១-ឈ្មោះ តាំ ស្ការិយ៉ា ភេទប្រុស អាយុ១៨ឆ្នាំ ជាខ្មែឥស្លាម មុខរបរមិនពិតប្រាកដ ស្នាក់នៅភូមិ(ឃ) សង្កាត់ច្រាំងចំរេះទី២ ខណ្ឌឫស្សីកែវ (ជាអ្នកជួញដូរ) ទី២-ឈ្មោះ ហេង ភារម្យ ភេទប្រុស អាយុ៣៦ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួលលេខ១ ផ្លូវរថភ្លើង ក្រុម១៧ ភូមិដើមខ្វិត សង្កាត់ទួលសង្កែ ខណ្ឌឫស្សីកែវ (ជាអ្នកជួញដូរ) ទី៣-ឈ្មោះ ឡុង សំអាត ភេទប្រុស អាយុ២៦ឆ្នាំ ជនជាតិខ្មែរ មុខរបររត់ម៉ូតូឌុប ស្នាក់នៅបន្ទប់ជួលលេខ២B ផ្លូវរថភ្លើង ក្រុម១៧ ភូមិចុងខ្សាច់ សង្កាត់ទួលសង្កែ (ជាអ្នកជួញដូរ) ទី៤-ឈ្មោះ សូ ថារ៉េត ភេទប្រុស អាយុ២៨ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួល លើផ្លូវរថភ្លើង ក្រុម១៧ ភូមិចុងខ្សាច់ សង្កាត់ទួលសង្កែ (ជាអ្នកប្រើប្រាស់)។
មន្ត្រីនគរបាលដដែលបានឲ្យដឹងទៀតថា បន្ទាប់ពីសមត្ថកិច្ចបានស៊ើបអង្កេត ស្គាល់អត្តសញ្ញាណរបស់ក្រុមជួញដូរ និងប្រើប្រាស់គ្រឿងញៀនខាងលើរួចមក ទើបសមត្ថកិច្ចទាំងពីរ ឈានដល់ប្រតិបត្តិការបង្ក្រាប នូវគោលដៅជំហាន ក្នុងករណីទី១ ឃាត់ជនសង្ស័យម្នាក់ឈ្មោះ តាំ ស្ការិយ៉ា និងដកហូតបានថ្នាំញៀន១កញ្ចប់ធំ។ បន្ទាប់មក ក៏បន្តប្រតិបត្តិការបង្ក្រាបចំគោលដៅករណីទី២ទៀត ដោយឃាត់ខ្លួនបានជនសង្ស័យឈ្មោះ ហេង ភារម្យ ដកហូតបានក្រាមសថ្លាជាថ្នាំញៀន៤កញ្ចប់ធំ។ចុងក្រោយករណីទី៣បាន ឃាត់ខ្លួនជនសង្ស័យឈ្មោះ ឡុង សំអាត និងឈ្មោះ សូ ថារ៉េត ២នាក់បន្ថែមទៀត ដកហូតបានថ្នាំញៀន១កញ្ចប់ធំល្មម ថង់សម្រាប់ច្រកគ្រឿងញឿនមួយចំនួន ដាវកែច្នៃចំនួន២ដើម និងឧបករណ៍ប្រើប្រាស់គ្រឿងញ់នមួយចំនួនផងដែរ។
បច្ចុប្បន្ន ក្រុមជនសង្ស័យ ដែលជាប់ពាក់ព័ន្ធជួញដូរ និងប្រើប្រាស់គ្រឿងញៀនទាំង៤នាក់ រួមជាមួយវត្ថុតាង ត្រូវបានឃុំខ្លួន នៅអធិការដ្ឋាននគរបាលខណ្ឌឫស្សីកែវ ដើម្បីកសាងសំណុំរឿង បញ្ជូនខ្លួនទៅកាន់សាលាដំបូងរាជធានីភ្នំពេញ ចាត់ការតាមច្បាប់៕ អរុណរះ
