សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តដឹកត្រីទឹកសាបមួយគ្រឿងបានក្រឡាប់ចាក់ត្រីចោលពេញលើផ្លូវខ្លះលោតប្រសាច និងលូនចូលទៅក្នុងព្រៃបាត់អស់មួយចំនួនធំ។ ករណីក្រឡាប់រថយន្តដឹកត្រីដោយខ្លួនឯងនេះមិនមានមនុស្សរងរបួសនោះទេ។
ហេតុការណ៍នេះបានកើតមានឡើងនៅវេលាម៉ោងប្រមាណ១១ព្រឹក ថ្ងៃទី៣០ ខែកញ្ញា ឆ្នាំ២០១៧ ស្ថិតនៅលើផ្លូវឃាតិលេខ4ត្រង់បង្គោលគីឡូម៉ែត្រលេខ168-169 ក្នុងភូមិតាពៅ ឃុំតានៃ ស្រុកព្រៃនប់ ខេត្តព្រះសីហនុ។ សមត្ថកិច្ចបានឲ្យដឹងថា រថយន្តរងគ្រោះម៉ាក មាយសុីធូ ពាក់ស្លាកលេខ ភ្នំពេញ 3C 6098។
សមត្ថកិច្ចបានឲ្យដឹងថា ដោយសារតែករណីគ្រោះថ្នាក់ចរាចរណ៌ក្រឡាប់រថយន្តនេះបង្កឡើងដោយខ្លួនឯងហើយនិងមិនបង្កប៉ះពាល់ដល់អ្នកដទៃនោះ ក្រោយកើតហេតុ សមត្ថកិច្ចបានអនុញ្ញាតឲ្យភាគី ម្ចាស់រថយន្តទាក់ទងហៅរថយន្តស្ទូចយកទៅជួសជុលប្រើប្រាសវិញ៕ ឆ្លាម សមុទ្រ
