ភ្នំពេញ ៖ កម្លាំងនគរបាលផ្នែកប្រឆាំងគ្រឿងញៀននៃអធិការ ដ្ឋាននគរបាលខណ្ឌដូនពេញ បានធ្វើការឃាត់ខ្លួនជនសង្ស័យ២នាក់ ពីបទជួញដូរដោយខុសច្បាប់នូវសារធាតុញៀន នៅថ្ងៃទី១៣ ខែធ្នូ ឆ្នាំ២០១៧ វេលាម៉ោង១៧ និង ៣០នាទីល្ងាច មុខផ្ទះលេខ៩៨Eo ភូមិ៧ សង្កាត់ផ្សារកណ្តាលទី១ ខណ្ឌ ដូនពេញរាជធានីភ្នំពេញ ។
ជនសង្ស័យត្រូវឃាត់ខ្លួនមាន៖ ១/ឈ្មោះ ណន ដុំ ភេទប្រុស អាយុ៣២ឆ្នាំ ជនជាតិខ្មែរ មុខរបរនឹងទីលំនៅ មិនពិតប្រាកដ (ឃាត់ខ្លួន) និង២/ឈ្មោះ ស៊ឹម ទូច ភេទស្រី អាយុ២០ ឆ្នាំ ជនជាតិខ្មែរ មុខរបរនឹងទីលំនៅមិនពិតប្រាកដ។
វត្ថុតាងចាប់យក ៖ -ក្រាមពណ៌សថ្លាសង្ស័យជាគ្រឿងញៀន ចំនួន២កញ្ចប់ (ពីរកញ្ចប់), កង់១គ្រឿង,ចិញ្ចៀនពណ៌លឿង ស្លេកមានដាំត្បូងពណ៌ចំនួន០១,លុយខ្មែរ ២៥០០០រៀល, ទូរសព្ទ័ដៃ០១គ្រឿងម៉ាក Nokiaពណ៌ស្វាយនឹងកង់ពណ៌ខ្មៅចំនួន ០១(ចាប់យកពីឈ្មោះ ស៊ឹម ទូច)។ ឯទូរសព្ទ័ដៃ០១គ្រឿងម៉ាក សាំសុងពណ៌ស,នាឡិកា០១គ្រឿងម៉ាក Rolex, ម៉ូតូ០១គ្រឿង ម៉ាកHonda icon ពណ៌ទឹកក្រូចពាក់ស្លាកលេខកណ្តាល ១D.៩២៩៣ ,ខ្សែដៃពណ៌លឿងស្លេកចំនួន០១, ចិញ្ចៀនពណ៌លឿងស្លេក មានដាំត្បូងពណ៌សចំនួន០១,លុយដុល្លារ២$,លុយខ្មែរ ៩០០០ រៀល (ចាប់យកពីឈ្មោះ ណន ដុំ)។
បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាល ខណ្ឧដូនពេញកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមនីតិវិធី ៕ ស តារា
សារព័ត៌មាន នគរវត្ត តែងតែនាំមុខគេជានិច្ច
