សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សមត្ថកិច្ចនគរបាលប៉ុស្តិ៍ចោមចៅ៣ បានទទួលព័ត៌មានរាយការណ៍ពីប្រជាពលរដ្ធថា មានក្រុមក្មេងទំនើងមួយក្រុមនាំគ្នាផឹកស៊ីនិងប្រើប្រាស់ក្នុងបន្ទប់ជួលខាងលើទើបកម្លាំងបានចុះទៅពិនិត្យមុងឃាត់ខ្លួនបាន៦នាក់តែម្តង។
ហេតុការណ៍នេះ បានកើតឡើងកាលពីវេលាម៉ោងរំលងអធ្រាត្រឈានចូល ថ្ងៃអាទិត្យ ៧កើត ខែបុស្ស ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២៤ ខែធ្នូ ឆ្នាំ២០១៧ ចំណុចបន្ទប់ជួល ផ្លូវបេតុង ភូមិព្រៃព្រីងខាងត្បូង សង្កាត់ចោមចៅ៣ ខណ្ឌពោធិ៍សែនជ័យ ។
សមត្ថកិច្ចឲ្យដឹងថា ក្រុមក្មេងទំនើងទាំងនោះទី១ មានឈ្មោះ នឿន រស្មី ភេទស្រី អាយុ១៨ឆ្នាំ មុខរបរកម្មការិនីរោងចក្រ ស្នាក់នៅបន្ទប់ជួល ភូមិព្រៃព្រីងខាងត្បូង សង្កាត់ចោមចៅ៣ ខណ្ឌពោធិ៍សែនជ័យ ។
ទី២ ឈ្មោះ ម៉ម ពៅ ភេទប្រុស អាយុ២៤ឆ្នាំ មុខរបរកម្មកររោងចក្រ ទីលំនៅ ភូមិអណ្តូងតាគ្រៀច សង្កាត់ត្រពាំងក្រសាំង ខណ្ឌពោធិ៍សែនជ័យ ។
ទី៣ ឈ្មោះ សន រតនៈ ភេទប្រុស អាយុ២១ឆ្នាំ មុខរបរកម្មកររោងចក្រ មានទីលំនៅ ភូមិភ្លើងឆេះរទេះ សង្កាត់ភ្លើងឆេះរទេះ ខណ្ឌពោធិ៍សែនជ័យ ។
ទី៤ ឈ្មោះ ហូរ សំណាង ភេទប្រុស អាយុ១៩ឆ្នាំ មុខរបរកម្មកររោងចក្រ ផ្ទះជួលភូមិត្រពាំងទា សង្កាត់ត្រពាំងក្រសាំង ខណ្ឌពោធិ៍សែនជ័យ ។
ទី៥ ឈ្មោះ យឿន ទូត ភេទប្រុស អាយុ២០ឆ្នាំ មុខរបរកម្មកររោងចក្រ ស្នាក់នៅភូមិវត្តអង្គត្រគៀត សង្កាត់កន្ទោក ខណ្ឌពោធិ៍សែនជ័យ ។
ទី៦ ឈ្មោះ អ៊ុំ សារុន ភេទប្រុស អាយុ២០ឆ្នាំ មុខរបរកម្មកររោងចក្រ ស្នាក់នៅភូមិចោមចៅ សង្កាត់ចោមចៅទី២ ខណ្ឌពោធិ៍សែនជ័យ ។
បច្ចុប្បន្នជនសង្ស័យត្រូវបាននាំខ្លួនរួមនឹងវត្ថុតាងមកកាន់ផ្នែកប្រឆាំងគ្រឿងញៀននៃអធិកានគរបាលខណ្ឌពោធិ៍សែនជ័យ ដើម្បីសាកសួរនាំ និងបន្តតាមនីតិវិធី ៕ សុខាសែនជ័យ
