សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ កម្លាំងនគរបាលខណ្ឌចំការមន បានធ្វើការឃាត់ខ្លួនជនសង្ស័យម្នាក់ ក្រោយធ្វើសកម្មភាពឆក់កាបូបស្ពាយពីស្ត្រីជនជាតិបារាំងម្នាក់ដែរជាគ្រូពេទ្យឆ្មបកំពុងដើរ មិនបានសម្រេចហើយព្យាយាមជិះរត់គេចខ្លួនតែត្រូជនរងគ្រោះស្រែកឆោឡោផ្អើលដល់ប្រជាពលរដ្ឋដែលឃើញហេតុការណ៍នាំគ្នាដេញចាប់បានវាយម្នាក់មួយដៃមួយជើងឡើងទ្រាមខ្លួន សំណាងល្អសមត្ថកិច្ចមកអន្តរគមន៍ទាន់កុំអី ត្រូវរបួសធ្ងន់ផងដែរ ។
ករណីឆក់កាបូបខាងលើនេះ បានកើតឡើងកាលពីវេលាម៉ោង១២ និង១៥នាទីថ្ងៃត្រង់ ថ្ងៃទី៣១ ខែធ្នូ ឆ្នាំ២០១៧នេះ ត្រង់ចំណុចតាមបណ្តោយផ្លូវ១២៣ កែងនឹងផ្លូវ៤៦៨ ស្ថិតក្នុងទួលទំពូងទី១ ខណ្ឌចំការមន។
ជនសង្ស័យមានឈ្មោះ ពង្ស មនសិកាសិលា ភេទប្រុស អាយុ២០ឆ្នាំ មុខរបរមិនពិតប្រាកដ ស្នាក់នៅផ្ទះលេខ២១ ផ្លូវលំ ភូមិតាងៅ សង្កាត់និរោធ ខណ្ឌច្បារអំពៅ។ ជនរងគ្រោះជាជនជាតិបារាំងមានឈ្មោះ SOPHIE CHIMOT ភេទស្រី អាយុ៣១ឆ្នាំ ជាគ្រូពេទ្យឆ្មប ស្នាក់នៅក្នុងអង្ការស្តារកម្ពុជា ផ្ទះលេខ៧១ ផ្លូវ១២៣ ក្រុមទី២១ ភូមិ៤ សង្កាត់ទួលទំពូងទី១ ខណ្ឌចំការមន។
តាមប្រភពព័ត៌មានពីសមត្ថកិច្ចមូលដ្ឋាន បានឲ្យដឹងថា មុនពេលកើតហេតុ គេឃើញស្រ្តីរងគ្រោះជាជនជាតិបរទេស បានដើរតាម ផ្លូវលេខ១២៣ ក្នុងទិសដៅពីត្បូងទៅជើង ដោយមានស្ពាយកាបូបតូចមួយជាប់នឹងខ្លួន គោលបំណងដើរទៅផ្សារទួលទំពូង ។ លុះដើរមកដល់ចំណុចកើតហេតុ ស្រាប់តែលេចមុខជនសង្ស័យម្នាក់ ជិះម៉ូតូមួយគ្រឿងម៉ាក ហុងដាឌ្រីម សេរី០១៧ ពណ៌ខ្មៅ ពាក់ស្លាកលេខភ្នំពេញ 1GF-7171 មកពីក្រោយរួចក៏ធ្វើសកម្មភាពឆក់កាបូបរបស់ជនរងគ្រោះ បណ្តាលឲ្យដាច់ខ្សែកាបូបធ្លាក់ទៅនឹងដី មិនបានសម្រេច ហើយស្រ្តីរងគ្រោះស្រែកឆោឡោបង្កការភ្ញាក់ផ្អើលដល់សមត្ថកិច្ចនិងប្រជាពលរដ្ឋនាំគ្នាដេញចាប់ភ្លាមៗ ។បន្ទាប់មកជនសង្ស័យ ព្យាយាមបើកម៉ូតូជិះរត់គេចខ្លួនទាំងភ័យស្លន់ស្លោ បណ្តាលឲ្យដួលម៉ូតូហើយក៏ត្រូវបានប្រជាពលរដ្ឋ និងសមត្ថកិច្ចល្បាតដែលនៅក្បែរនោះធ្វើការចាប់ក្របួចជាប់តែម្តង។
បច្ចុប្បន្ន ជនសង្សយ័ខាងលើរួមទាំងវត្ថុតាងត្រូវបានសមត្ថកិច្ចប៉ុស្តិ៍នគរបាលរដ្ឋបាលទួលទំពូងទី១ ដើម្បី កសាងសំណុំរឿងបញ្ជូនទៅតុលាការចាត់ការតាមនិតិវិធី ៕ ស រស្មី
